漱珠橋

出自維基百科,自由嘅百科全書
清朝嗰時漱珠橋一帶

漱珠橋(漱讀秀,粵拼sau3 zyu1 kiu4),雞腸字寫「Honam Bridge」(河南橋)或「Shou Chue Bridge」,喺廣州河南龍溪二約[1],係「溪峽第一橋」,亦係舊時廣州最著名嘅皇清乾隆八年(1743年)[2],廣東鹽運使龐嶼為海幢寺嘅正目和尚喺南溪溪面起呢道橋[3]。到咗乾隆四十一年(1776年),潘振承又重修過[4]1968年,政府拆咗條橋[5]

道橋係用花崗石砌嘅,中間有個「漱珠」石刻,家陣拎咗去龍導尾鄧氏宗祠個花園裡面[6]

[編輯]

漱珠橋橋位

清朝嗰時,漱珠橋一帶風景秀麗,沿岸嘅食肆密質質,畫艇多到四圍都係。橋邊係有錢人夜蒲嘅去處,又係文人留低優雅詩篇嘅地方。呢道有過噉嘅詩句:「佳絕名蝦鮮絕蟹,夕陽齊泊漱珠橋。」[7]

左近著名嘅酒樓有漱珠樓、成珠樓等。著名嘅園林建築有伍氏花園、南墅。南墅喺漱珠橋南邊,係潘振承個仔潘有度起嘅,面積廣大,入邊有南雪巢齋、漱石山房、海天閒話閣、義松堂、風月琴尊舫等等嘅樓閣[8][9]

拆橋開馬路之後,留低一個拱形嘅馬路橋響度。喺道橋完全拆除之前,橋頂住過一家人。而家,重留低有漱珠東市、漱珠西市、漱珠新街[註 1]等地名。

[編輯]

  1. 漱珠新街、漱珠西市分別喺2005年同2008年拆咗。而家得返漱珠東市,喺海幢寺山門斜對面。

出處[編輯]

  1. 崔弼《白雲越秀二山合誌》
  2. 阮元, 編 (1822). 東通志•職官表.
  3. 郭棐《嶺海名勝記》六,陳蘭芝《贈海光》詩註
  4. 張錫麟《榘園文鈔》. 民國.
  5. 梁國昭 (2013年5月). . (簡體中文). 第3期: 341–348. 原著喺2020年3月28號歸檔. 喺2017年9月2號搵到.
  6. 劉偉倫 (2010). . 廣東海燕電子音像出版社. ISBN 978-7-90050-405-0.
  7. 何仁鏡《城西泛春詞》
  8. 丁仁長 等(纂) (1935). 梁鼎芬 (編). .
  9. 張維屏 (1830). .

參考文獻[編輯]