潘宗光

出自維基百科,自由嘅百科全書
跳去: 定向搵嘢
潘宗光

潘宗光教授O.B.E.GBSJP1940年—)係香港立法局前議員、香港理工大學前任校長。

生平[編輯]

潘宗光係廣東番禺人,喺香港出世,有一個阿哥一個妹,表弟係已故巨星張國榮

潘宗光喺聖保羅男女中學畢業,1963年喺香港大學以一級榮譽完成學士學位,1967年喺英國倫敦大學學院攞到哲學博士同埋科學博士學位,1979年攞到倫敦大學科學博士學位。

潘宗光係一個佛教徒。

潘宗光係一個化學教授,主要研究無機化學,包括研究維他命B12。1968年起喺香港大學化學系教書,1982年升為教授,1983年做香港大學理學院院長。1991年起得到當時嘅香港立法局議員張鑑泉邀請,做香港理工學院(家下香港理工大學)校長,任內主力將香港理工大學發展成應用型大學。潘宗光喺1985年同1991年都得到提名做諾貝爾化學獎候選人。2008年,潘宗光退休,由唐偉章‎接任香港理工大學校長。