潮汕鐵路
潮汕鐵路（Teochew-Swatow Railway或者Chaochow Railway）係中國一條鐵路，喺廣東，由汕頭去潮安，共42千米。潮汕鐵路大清時起，係中國第一條商辦鐵路。由華僑張煜南同張鴻南營造。1904年動工，1906年通車。1939年，因為日本就快入侵廣東，所以拆咗潮汕鐵路，以免落入日軍手中。
史[編輯]
大清時，日本想起呢條鐵路，不過政府為咗唔好將路權畀咗日本，就無批出去。
1903年，張弼士畀政府委任做閩廣農工路礦大臣。佢奏請朝廷搞《招商興辦鐵軌支路》，獲得批准。張弼士就請門下做過嘢嘅南洋華僑富商，張煜南、張鴻南兄弟歸國，傾起鐵路事宜。鐵路想南起汕頭，北迄潮安，全長39千米。後尾加築意溪支線，一共32千米。清廷重派咗詹天佑做實地勘測，同指導施工。張煜南兄弟邀集親友認股，股額定為三百萬蚊，其中張氏兄弟各認一百萬。
當時有兩條綫揀。一係詹天佑測嘅甲綫，二係日本人測嘅乙綫。當時交畀太古洋行估價，洋行認為甲綫貴，所以張煜南用咗乙綫，由日本人造。汕頭一站，本來想過韓江入市區，之不過當時技術做唔到，就喺另一邊起站。
潮汕鐵路1904年動工興建，至1906年11月16號正式通車。