炒麵

雞肉炒麪

什錦炒麪

印尼炒麪

炒麪遍布中國各地，品種繁多，可以用各種麪條配其他食材。用嘅麪條有米麪、寬麪、細麪、刀削麪、麪片、粉絲等。口味以鹹為主。炒製時配以醬油，色澤醬黃，有光澤。中國長江以南部分地區加少少黃酒調制，具有香氣四溢之感，好似豉油王炒麪、時菜肉片炒麪等。

日本炒麪好細，類似中國嘅挂麪，配以有顔色嘅蔬菜細絲，好似紫色卷心菜，油多，基本無湯，比較細致，味道香酥適口，份量細，用碟裝。

炒麪喺清朝末期傳入美國，英文有一個詞彙「chow mein」，就係炒麪，出自台山話發音chāu-mèing，但ng喺英文演變成n。歐美國家中餐館嘅「炒麪」比日本炒麪粗，配菜亦粗大，油少湯多，亦係用碟裝。