炮台山
呢篇文講香港島嘅炮台山。想搵其他地方嘅炮台山嘅話，請睇炮台山 (搞清楚)。 想搵香港區議會選區嘅話，請睇炮台山 (選區)。
炮台山係香港一笪地方，介乎銅鑼灣東部同北角西部之間。1985年，地鐵（而家叫港鐵）港島綫通車，並喺銅鑼灣東北部盡頭設一個車站，根據附近嘅北角炮台而命名為「炮台山站」。從此之後，附近市民普遍俗稱呢個站一帶做炮台山區。
地理位置[編輯]
1879年，英軍喺名為「East Hill」設立北角炮台，所以有個咁嘅名，其實同北角係同一舊嘢，但呢座山仔後來畀人鏟平咗，即係今日北角皇都戲院嗰度。不過嗰度附近仍然有以「堡壘山」或者「炮台山」做名嘅建築物同炮台山道，跟住個名慢慢跟住啲樓同條街向南移咗去南邊紅香爐山腳，加上地鐵站紀念嗰座無咗嘅山仔叫炮台山站，啲人就開始叫呢個新嘅區做「炮台山」，但呢個區就同原本嗰座山仔只係同名，其實無咩關係嘅。
而家啲人叫「炮台山」嘅具體範圍，一般指炮台山道同英皇道之間，甚至有人會叫埋部份銅鑼灣同北角海皮做「炮台山」。附近嘅居民亦會根據佢哋對呢個地方嘅見解而分別叫呢度做北角、銅鑼灣甚至「天后」，所以其實定義好模糊。
