炸兩

出自維基百科,自由嘅百科全書
跳去: 定向搵嘢
炸兩
炸兩橫切面
酒樓內嘅炸兩

炸兩係一種廣東嘅特色小食,流行喺香港。係廣東人將腸粉油炸鬼兩種小食夾埋而產生嘅小食。製法係用腸粉包住油炸鬼,然後切成細段,淋上豉油,灑上芝麻即成(習慣上一般普通腸粉喺拉製中都會灑上葱花同蝦米,但製作炸兩時通常會用無葱花同蝦米嘅齋腸包住)。香港人通常喺食時配炸兩,所以炸兩主要喺粥舖或大排檔有得賣,而家擴展到有啲酒樓點心賣。

出處[編輯]

廣州1940年淪陷,喺廣州泮塘鄉有間小茶居叫做「嚼荷仙館」,點心師傅為應付當時嘅物資短缺,就諗出畀食客用最少錢,但同時可食到腸粉同油炸鬼兩款美食,創造咗炸兩。就係將新鮮炸脆嘅油炸鬼,用熱辣辣嘅腸粉包起來,成為內脆外滑嘅美味小食(如果用咗無火氣軟塌塌嘅油炸鬼來包住凍冰冰嘅腸粉就完全係兩回事),推出後竟然好受歡迎,後來亦流傳到香港