熱力學第二定律

熱力學第二定律係熱力學第二條定律，指出熱係永遠都會慢慢轉凍，而唔係會更加熱。

呢個定律係由兩個人提出，都係19世紀嘅人：德國佬克勞修斯（Rudolph Clausius）同法國佬開爾文（Lord Kelvin）。

克勞修斯解釋

熱量係唔可能由低溫狀態傳到高溫狀態，而唔引嚟其他變化。即係話，熱係唔能夠自發性咁由冷慢慢轉熱。任何物體響高溫過後，除非係正響度受緊熱，否則都會逐漸冷卻。

開爾文解釋

唔可能由單一種熱來源吸取熱量，並且完全化做有用能量，而唔產生其他影響。

開爾文呢一套重可以解釋為：永動機係唔可能有。

「永動機」係響冇外界影響底下，就自發性咁有能量推郁嘅機械。因為熱嘅本質，係粒子運動時所產生嘅能量，如果冇外來能源加入產生能量，粒子最終都會慢慢停頓落嚟，熱能就再產生唔到。