牛腩

牛腩麪

牛腩飯

牛腩係牛肉一種，指牛嘅腩，卽腹部下側。

香港

牛腩配麪、河粉或飯進食，當中以牛腩麪出名。柱侯牛腩以柱侯醬撈牛腩炆成，亦係名菜。

分類

牛腩分幾種：

• 坑腩：牛味最濃，牛胸前八支骨腩肉，常用腩位，最大。
• 爽腩：又叫「繃紗腩」、「崩沙腩」或「蝴蝶腩」，牛肚皮腩位，好細，爽腩貴坑腩一半，由於有塊薄軟膠質，爽軟不硬。
• 腩底：坑腩近牛皮下一塊肉，又粗又韌，好難炆。
• 腩角：爽腩同坑腩中間一塊肉，分量極少。四面都有軟膠質，非常爽脆。
• 挽手腩：集坑腩同爽腩優點於一身，味濃煙韌。

參見

• 羊腩
• 豬腩