特強氣旋風暴納爾吉斯
出自維基百科，自由嘅百科全書
特強氣旋風暴納爾吉斯（Very Severe Cyclonic Storm Nargis，簡稱Cyclone Nargis或Nargis）喺2008年5月2號登陸緬甸嘅一個熱帶氣旋，個風令緬甸死同失蹤嘅人夾埋成13萬[1]。
目錄 |
風暴 [編輯]
呢個風叫納爾吉斯，係孟加拉灣今年第一次風暴，風速最强嗰陣去到每秒59米，即係可以定做超級颱風。個風最初喺4月28號喺孟加拉灣西部海面形成，之後慢慢向偏北方移動，個風曾經兩次加強，第一次喺29號加強變成特強熱帶風暴，之後喺5月1號又再加強，變成特強熱帶風暴，到5月2號登陸緬甸，登陸嗰陣風速已經去到每秒52米[3]。
氣候專家分析話，納爾吉斯之所以破壞力咁勁，係因為之前孟加拉灣地區嘅對流已經好唔正常咁活躍，而索馬里越赤道氣流又偏强，印度洋地區又有好強嘅西風，咁多嘢夾埋一齊，變成納爾吉斯個能量點解咁厲害嘅原因[4]。
破壞 [編輯]
由於緬甸、孟加拉國呢啲國家大部份都係沖積平原，河流分佈密集，到打風嗰陣，因為落大雨而造成洪澇，又因為地勢一高一低，疏唔到啲洪水。再加上有極大能量嘅風暴潮，造成大範圍影響。
由於納爾吉斯襲擊嘅地區，都係緬甸最多人嘅地區，好多人都因為走唔切而死或者傷。
災情 [編輯]
個風令緬甸造成好大破壞，直到5月6號計，已經死咗超過兩萬人，呢啲人當中好多都係畀個風扯起成3.5米嘅巨浪浸死，伊洛瓦底江附近嘅波迦來市95%建築都散晒[5]。
參考 [編輯]
- ↑ 聯合國東盟在緬甸召開國際捐助大會。 BBC中文網。
- ↑ 專家分析“納爾吉斯”重災原因。 新華網。
- ↑ 强熱帶風暴納爾吉斯在緬甸爲何危害如此大?。 中國評論新聞網。
- ↑ 强熱帶風暴納爾吉斯在緬甸爲何危害如此大?。 中國評論新聞網。
- ↑ 緬甸熱帶風暴肆虐2.2萬人喪生。 BBC中文焹。
拎 [編輯]
- 專題：緬甸遭遇熱帶風暴襲擊新華網專題
