獅子山

出自維基百科,自由嘅百科全書
跳去: 定向搵嘢

想搵呢個詞嘅第啲意思,睇下【獅子山 (搞清楚)

由西面山路望向獅子山西崖,可以見到佢獅子嘅外形
獅子山
獅子山上面嘅指標牌

獅子山,英文叫Lion Rock(解獅子石),係香港新九龍新界之間一座,係九龍山脈嘅其中一個峰,高495。獅子山南面係新九龍馬仔坑橫頭墈竹園呢啲地方。東有雞胸山,西有筆架山。而西北有望夫石沙田紅梅谷,可以由呢個方向落大圍

[編輯]

獅子山史上有好多名,好似虎頭山金鳳山駱駝山鷹嘴山禾鎌嘴山獺子頭山。獅子山大清初期就叫虎頭山,而同期西面另有一座獅子嶺,到尾大清遷界時又響獅子嶺度起煙墩,就變成煙墩嶺,亦都煙墩山。復界後,啲人因為唔清楚,就將獅子嶺同虎頭撈埋一碟,變成家下獅子山[1]

地理[編輯]

獅子山因為佢個樣而叫獅子,好似一大嚿獅子石坐響個山頂上面,係九龍一大標誌。英文亦都譯做Lion Rock,意謂獅子石。獅子山山勢好斜,所以唔少爬山人士都想爬,但係亦出過唔少意外。不過因為可以望晒成個維多利亞港,所以都好多人上去。

交通[編輯]

山北無咁斜,麥理浩徑第5段同上山嘅路相接,係行山好地方。山上無車路上去,不過山下面有獅子山隧道,連埋九龍同沙田。

文化[編輯]

因為第二次世界大戰國共內戰同之後中國大陸政治運動,好多低下階層嘅人移居香港。獅子山南面嘅九龍係其中一個最多人住嘅地方,有山邊寮屋唐樓公共房屋工廠大廈山寨廠等。因此「獅子山下」代表當時典型嘅香港社會。1972年至1994年期間,香港電台製作咗一套名叫《獅子山下》嘅電視劇。而呢個名自1979年起亦成為呢部劇集主題曲嘅名稱,由顧嘉煇作曲,黃霑填詞,羅文主唱。

1950至1970年代期間,每逢雙十節前後,都會有親國民黨人士到獅子山頂懸掛中華民國國旗

2014年10月23號上晝11時左右,一班自稱「香港蜘蛛仔」嘅攀山愛好者响獅子山頂懸掛一幅6米闊、28米高嘅巨型橫額,上面有一把黃色雨遮標誌,並寫上「我要真普選」,下款係「#UMBRELLA MOVEMENT」,以聲援2014年9月香港示威。呢幅巨型橫額喺第二日(24號)中午,响政府飛行服務隊消防處民安隊嘅聯合行動入面被拆走。

[編輯]

  1. 許劍冰,獅子嶺與清初香港九龍新界之遷海與復界