王國維

出自維基百科,自由嘅百科全書
王國維

王國維1877年12月3號1927年6月2號),字靜安,又字伯隅,晚號觀堂,係中國國學大師。因為佢研究甲骨文出名,又號觀堂,所以同佢人並稱甲骨四堂。佢係浙江嘉興海寧人。

王國維響清華國學研究院,同梁啟超陳寅恪趙元任,合稱『四大導師』。佢有份開拓中國新學術,貫通中西美學,響文學美學史學哲學古文字考古學都成就昭著。

陳寅恪形容王國維嘅學術成就,『幾若無涯岸之可望、轍跡之可尋』。王國維著述甚豐,例如有《海寧王靜安先生遺書》、《紅樓夢評論》、《宋元戲曲考》、《人間詞話》、《 觀堂集林》、《古史新證》、《曲錄》、《殷周制度論》、《流沙墜簡》等62本。

喺1922年胡適講道:『南方史學勤苦而太信古,北方史學能疑古而學問太簡陋,將來中國嘅新史學須有北方嘅疑古精神同南方嘅勤學工夫』。『能夠融南北之長而去其短者,首推王國維同陳垣。』

傅斯年亦講:『幸中國遺訓不絕,經典猶在,靜庵先生馳譽海東於前,先生(陳垣)鷹揚河朔於後。』

屋企[編輯]

王國維1877年響鄉下出世,浙江嘉興海寧。佢老竇係大清鹽官

就學[編輯]

1882年,王國維入私塾讀書,1893年中秀才

1899年,佢去咗上海,響《時務報》度做嘢。工餘去羅振玉東文學社,學外文理化,掂到西方文化。1901年,有資助去日本,讀東京物理學校,之不過1902年夏天,因為病咗返大清。

事業[編輯]

1903年,佢去咗通州師範學堂同埋江蘇師範學堂哲學心理學等。同時又寫咗《紅樓夢評論》等幾篇哲學、美學論文。之後自己編做《靜庵文集》,響1905年出版。1907年,佢去北京,任學部圖書館編譯名詞館協修。期間佢寫咗《人間詞話》同埋《宋元戲曲史》。

1911年,再去咗日本。

1916年,佢返中華民國,響上海敎書,重編輯學術刊物,兼任哈同所辦嘅倉聖明智大學教授。又幫藏書家蔣汝藻編《密韻樓書目》,同埋參加纂修《浙江通志》。1917年,佢寫咗《殷周制度論》。

出面網頁[編輯]

維基文庫入面呢位作者嘅作品: