王敏德

王敏德（英文名：Michael Wong，全名Michael Fitzgerald Wong或者Wong Man-Tak，1965年4月16號—）係美籍華人，香港電影演員，職業直升機司機同埋愛好者。

簡歷

王敏德1983年到香港，佢阿哥係羅素（王盛德），由客串演出新藝城電影入香港娛樂圈。王敏德多數都係演動作片，尤其係大隻佬、警察、特警教官。代表作包括《痴心的我》、《飛虎雄心》、《皇家戰士》及《花旗少林》等，佢兼嚮《飛虎雄心》演香港警察飛虎隊Stone Wong一角，成為「香港十大理想銀幕警察」之一。

2000年，王敏德曾經自資成立電影製作公司，導演文藝片《里情》，女主角由葉童演出。

王敏德個人鍾意揸私人飛機，1998年嚮加拿大考到執照，並考到香港專業飛機師牌照。

王敏德1992年同模特兒馬詩慧結婚，生咗一仔兩女，大女王曼喜同二女王麗嘉分別喺1992年同1995年出世，佢個仔王躍穎就喺1999年出世。

而家

2008年6月，明報新聞講，王敏德揸飛機同國家地理雜誌拍節目，又幫趙世曾揸直升機接送客人，老婆都讚賞。