琉球國

出自維基百科,自由嘅百科全書
跳去: 定向搵嘢
1875年之前嘅琉球國旗
1875年到1879年用過嘅琉球國旗

琉球國(喺琉球語入面叫做琉球國,拉丁譯音Rūchū kuku)係琉球史上第一尚氏王朝同埋第二尚氏王朝呢兩個朝代嘅統稱同佢哋嘅國號,佢亦都係早期三山時代山南中山山北三個王國嘅對外自稱。

古琉球國嘅地理位置喺台灣同埋九州之間,曾經同中國兩朝朝貢。喺薩摩藩入侵呢個國家之後,佢亦都同日本嘅薩摩藩同江户幕府朝貢。古琉球國曾經受到諸島外部勢力(元朝)嘅好多次入侵,特別係1609年明朝萬曆三十七年,日本慶長十四年)薩摩藩入侵之後,薩摩藩就控制同干涉琉球國嘅內政。琉球國因為佢咁特殊嘅地理位置而成為東北亞東南亞之間嘅貿易中轉站,貿易好發達,又叫「萬國津梁」。

1871年日本喺全國實施廢藩置縣,琉球國俾人當做令制國,被編入鹿兒島縣1872年琉球國俾人改做琉球藩1879年3月11號嘅第二次琉球處分,琉球藩俾人廢除,編入鹿兒島縣,同年日本又設沖繩縣。自此,日本同琉球合併,琉球從此被分為沖繩縣同鹿兒島縣。