琶洲塔
| 琶洲塔 | |
|---|---|
 | |
| 明細 | |
| 第個名 | 海鼇塔、黃埔塔 |
| 原名 | 琶洲塔 |
| 類型 | Chinese pagoda[*] |
| 用途 | 觀光 |
| 構造 | 樓閣式磚塔 |
| 樓數 | 出面9層樓，入面17層樓 |
| 高度 | 60僆米 |
| 落成 | 1600年 |
| 改築 | 1992年 |
| 喺邊 |  中國 廣東省 廣州市 海珠區 琶洲村入面 |
| 座標 | 23°6′6.26″N 113°22′13.35″E / 23.1017389°N 113.3703750°E |
| 保護形式 | 廣東省文物保護單位 |
| 保護單位 | 廣東省人民政府 |
| 登記名 | 琶洲塔 |
| 號 | 3-25 |
| 登錄 | 1989年 |
琶洲塔（粵拼：paa4 zau1 taap3，英文：Whampoa Pagoda 或 Pachow Pagoda）係中國廣東廣州一座塔，响海珠區琶洲村，近珠江，附近冇幾遠就係新港東路。呢座塔睇落就似珠江嘅中流砥柱，所以喺清朝嘅羊城八景叫做「琶洲砥柱」。
名[編輯]
傳說喺好耐之前，珠江成日有條金鼇出咗嚟，所以之前係有「海鼇塔」呢個名，其中個「鼇」字可能係保佑嗰啲學緊嘢嘅人可以攞到第一名；重有嘅係起緊塔嗰陣，由於塔嘅兩邊都有山崗响度，而且都係連埋一齊嘅，好似個琵琶噉，所以有咗「琶洲塔」嘅名重一直用到依家。
英文名方面，呢座塔傳統叫Whampoa Pagoda，亦有跟粵音轉寫叫Pa-Chow Pagoda。
介紹[編輯]
琶洲塔係喺明萬曆廿八年（1600年）逳手起嘅，成座塔好似個八角形噉，佢係個樓閣式嘅磚塔，而塔入面係個八角直井噉排。雖然話成座塔喺出面睇係有9層樓噉，但入面實際係有17層樓噉高。佢高60僆米。塔基嘅直徑係12.7米，墻壁係有3.97米咁厚。喺2樓嗰度開始，每層樓都錯開嗮，而且每個面都有佛龕响度。而塔基嘅八個角度，都鑲咗個八卦同歷史响度。而呢啲力士都好似跪咗响度噉，有時係用頭頂住個塔，有時係用對手或用隻手嚟托住個塔噉，而每隻力士都有0.5米咁矮，闊度係有0.5米咁窄。成咗塔身嘅轉角位都有條紅色柱响度，而柱頭都係有紅色同黑色嘅額枋响度，牆身係用咗灰漿批蕩嚟整咗白色嘅嘢出嚟。額枋嘅上面係用咗六疊菱角牙磚嚟整個瓦頂出嚟嘅，而1樓嘅瓦頂係有0.85米，而且每層樓都係紅白相間。喺每級嘅平座度重條木護欄响度。佢嘅塔頂係八角攢尖嘅，而塔嘅最頂嗰度有鐵鑄雁形角梁整咗出嚟。成座磚塔從下面到上面睇，每層樓係遞減式轉上去嘅，每層樓嘅邊長係噉：1樓：5.6米、2樓：5.25米、3樓：4.9米、4樓：4.62米、5樓：4.2米、6樓：3.89米、7樓：3.85米、8樓：3.6米、9樓：3.4米，越去到差唔多塔頂嘅，個塔廊就越嚟越窄，而最頂樓嘅出面嗰條走廊凈係啱一個人打橫嚟行啫。由於喺起緊座塔嗰陣，琶洲度係個島仔嚟嘅。雖然話琶洲塔係用嚟做風水塔，但係到咗明朝中葉之後，呢座塔重可作做導航標記，佢重係廣州嘅海上絲綢之路嘅重要遺址。
呢座塔喺1960年代初葉，被廣州市計劃變成旅遊區。1963年3月，琶洲塔被公佈為廣州市文物保護單位。之後無耐就變咗廣東省級重點文物保護單位。但係年久失修嘅琶洲塔、海鼇寺嘅建築都重係爛融融，而塔嘅樓梯同外廊嘅護欄已經搞到呢座塔變咗危塔。而附近嘅細路同外地遊客成日都嚟爬呢座塔，搞到出現幾單跌死人嘅事。
重新裝修[編輯]
之前琶洲塔隔離有間海鱉寺同北帝宮响度嘅，但係喺文化大革命嗰陣畀當局拆咗。到咗1992年，香港人湯寶森先生就出咗50萬蚊人民幣畀廣州市文物管理委員會嚟負責整過座塔。同年8月，第一期嘅工程開始做，佢重新起咗塔頂嘅凌霄閣、外牆同欄杆。到咗1995年，廣州市人民政府又出咗60幾萬蚊嚟繼續搞琶洲塔嘅二、三期工程。塔入面嘅層樓板、樓梯、塔嘅內牆、走廊、神龕呢啲位得到還原，重整靚埋塔出面嘅周圍環境。1996年2月份，使咗百二幾萬蚊嘅琶洲塔修復工程終於搞掂。
交通[編輯]
巴士：
- 琶洲塔站
有軌電車：
連出去[編輯]
