甜甜私房貓
出自維基百科，自由嘅百科全書
《甜甜私房貓》（チーズスイートホーム，英文名Chi's Sweet Home）係日本女漫畫家湖南彼方一部同貓相關嘅漫畫作品，2004年開始喺講談社漫畫雜誌《Morning》登到而家，係黑白漫畫；單行本就係全彩色漫畫，暫時出咗8本，香港中文版由正文社出，每章標題都以〈貓貓…〉（猫…）做開頭。
第一輯電視動畫版喺2008年3月31號至2008年9月26號由日本東京電視台播放，每集標題開頭係〈廖廖…〉（チー…），總共有104集。而第二輯就喺2009年3月30號至2009年9月25號由東京電視台播放，日文名係チーズスイートホーム あたらしいおうち（英文名Chi's New Address）。
目錄 |
[編輯] 簡介
描述一隻有黑灰斑紋嘅BB貓女同媽媽失散咗又唔識得返屋企，喺筋疲力盡行唔郁之際遇到一個跌親嘅細路仔洋平，自此由個洋平一家暫時照顧。因為個洋平屋企唔准養寵物，一家人要花盡心機唔畀鄰居發現隻BB貓，只係偏偏搵唔到新主人又同隻BB貓日久生情，越來越多得意同搞笑嘅生活回憶。經歷過一啲事之後，發現唔可以同隻BB貓分開，為咗繼續一齊生活，一家人終於搬去新公寓開展新生活，同埋識多咗新公寓鄰居嘅唔同寵物同埋第啲貓。
[編輯] 主要登場人物、動物
[編輯] 山田家
搬屋之前係住喺舊公寓嘅102室；之後搬到新公寓嘅101室。
- 廖廖（チー，Chi；配音：興梠里美）
- 一隻出咗世冇幾耐嘅虎紋貓，同屋企人失散後俾偶然經過嘅洋平同埋媽媽帶返屋企，由動物醫院診斷出係隻兩三個月大嘅貓乸。鍾意牛奶同鬆餅；驚動物醫院、狗同埋車。試過搶洋平嘅鬆餅同埋玩具，係隻強勢又鍾意做惡作劇嘅貓仔，但如果留低佢一隻貓看門口又會因寂寞而眼濕濕。雖然唔鍾意屋企人一直纏住佢唔放，但完全唔理佢又會不甘寂寞而想引人注意。雖然唔識講人話，但獨白會用類似幼兒語噉口齒不清嘅方式表達。
- 洋平（ヨウヘイ，Youhei；配音：小櫻エツ子）
- 山田家嘅仔，係幼稚園學生，偶然發現一間可以養寵物嘅公寓。
- 媽媽（おかあさん；配音：日高のり子）
- 推測係全職家庭主婦，因為會畀廖廖嘢食，所以俾廖廖認定係山田家最偉大嘅人。
[編輯] 舊屋嘅鄰居
- 黑熊貓（ヒグマ猫；配音：梁田清之）
- 喺公寓周圍搞搞震嘅大黑貓，亦係廖廖第一位朋友，教識廖廖點樣同狗玩捉伊人同埋爬樹。山田家叫佢做「黑熊貓」，而廖廖叫佢做「黑色的」（クロいの），原本係舊公寓201室嘅寵物，後來俾管理員發現而成家人搬走咗。
- 後來黑熊貓同埋廖廖喺一次機會之下見返面。
[編輯] 新屋嘅鄰居
- 大衛（デイビット，David；配音：山口真弓）
- 102室草野家嘅狗，對主人相當忠心。後來成為廖廖克服到唔驚嘅狗。
- 米米（ミー；配音：小櫻エツ子）
- 103室古川家嘅兔仔，唔多出聲。
- 愛麗絲（アリス，Alice；配音：嶋村侑）
- 104室森家嘅摺耳貓。
- 竹丸（動畫叫ラッキー；配音：やまきしま）
- 105室花園家嘅鸚鵡，俾廖廖當係獵物。
[編輯] 其他
- 三色貓嬸嬸（三毛猫おばさん）
- 曾經幫過蕩失路嘅廖廖、相當親切嘅貓，識得廖廖嘅媽媽。
[編輯] 電視動畫
[編輯] 第一輯
2008年3月31號至9月26號，逢星期一至五上晝6:40至6:45由東京電視台播出，共104集。每星期頭四日播出動畫本篇；星期五就以《Chi's Sweet News》標題，介紹一啲由觀眾寄來嘅貓仔影像同埋相，唔計入集數內。每集連片頭曲在內播出時間大概3分鐘，係2008年度播出時段最短嘅動畫。
[編輯] 製作人員
- 企畫：古川公平（講談社）、丸山正雄（Madhouse）
- 製作人：青木俊志（東京電視台）、小森健一（博報堂 DY Media Partners）、村山崇（Index Holdings）
- 系列構成：金春智子
- 動畫角色原案：淺香守生
- 動畫角色設計：小林明美
- 美術監督：勝井和子（アトリエブーカ）
- 色彩設計：大野春惠（DR TOKYO）
- 攝影統籌：石塚惠子（DR TOKYO）
- 音響監督：藤山房伸
- 音響效果：加藤昭二（Anime Sound Production）
- 音樂：META boys
- 音樂製作人：岡田こずえ、尾上政幸
- 動畫製作人：篠原昭、土田大亮
- 動畫製作：Madhouse
- 導演：增原光幸
- 製作：東京電視台、博報堂 DY Media Partners、Madhouse
[編輯] 主題曲
- 片頭曲「おうちがいちばん」
- 歌：廖廖（興梠里美），作詞：畑亞貴，作曲、編曲：伊藤真澄
[編輯] 第二輯
2009年3月30號開始播到2009年9月25號，播放嘅電視台同埋時段同第一輯一樣。
[編輯] 製作人員
- 製作人：熊本智孝、鈴木隆浩
- 攝影監督：石塚惠子
- 製作：チーズスイートホーム2009製作委員会
其餘嘅同第一輯一樣。
[編輯] 主題曲
- 片頭曲「チーさな大冒険」
- 歌：松本梨香，作詞、作曲、編曲：栗田貴司
[編輯] 出面網頁
- （日文） 《甜甜私房貓》官方網頁
- （日文） 連載週刊《Morning》 - 連載漫畫嘅房
- （日文） 日本Yahoo! - Chi's Sweet Home特集
- （日文） 東京電視台官方網頁 第一輯、第二輯
- （日文） Madhouse 作品介紹
