番禺
出自維基百科，自由嘅百科全書
番禺（讀做潘如）喺中國廣東嘅珠江三角洲，原本寫做蕃禺。佢家下係廣州市一個市轄區，叫番禺區，區治市橋。佢面積1314.8平方千米，2005年人口96萬。
番禺自秦經已係縣，叫番禺縣。民國以前，家下廣州城區兼南北，都係番禺縣嘅地方，比宜家大好多。而番禺個名，就因為近省城有番山同禺山而名。[1]
目錄 |
地理 [編輯]
山 [編輯]
番禺有山叫浮蓮崗，又叫浮練或者浮蓮岡。舊縣去到白雲山。[1]
水 [編輯]
南海石門水流入番禺珠江，向東南行，畀長洲分兩邊，然後再會合。再向東南入波羅江，左邊同東江會合，係三江口。再向東南就係獅子洋，同沙灣水夾埋入海。[1]
史 [編輯]
番禺響唔同時代有唔同範圍，番禺、廣州、南海都係交錯重疊。
番禺最初係秦國始皇帝時期征服嶺南之後起嘅城，統治新開嘅南海郡。個城就正正響今日廣州裏面。秦國滅亡，趙佗自立為王，建南越國。番禺就成為國都。後來漢武帝時期，漢軍就打入番禺，消滅咗南越國。
三國時代，吳國將合浦以北立做廣州。不過呢個廣州呢個一向只係州名，而呢帶都係叫番禺。之後圍住廣州城一帶都叫番禺，而番禺縣治所就響城內，直至民國初期。
大清響獅子洋處有獅子營，而西便有永靖營，而黃埔有魚雷營，有船塢。另外重有慕德、鹿步、沙灣、茭塘四巡司。有番禺、五羊兩站。東便有廣九鐵路，西北有粵漢鐵路。[1]
中華民國時期，1921年廣州設市，番禺縣就只係管廣州以南一帶，縣治搬去市橋。西面係順德，南面係中山。到中華人民共和國時期，縣治就搬咗去市橋。1992年變做縣級番禺市（代碼440181），2000年5月21呢就併入廣州市，成為番禺區，原市所有分區都歸入番禺區。2005年，番禺分出東南面一角，另立廣州市南沙區。
政區 [編輯]
- 區劃代碼：440113
- 郵政編碼：511400
- 電話區號020
- 車牌代號粵A
- 沿革：區人民政府駐清河東路319號。（國務院批准）
經濟 [編輯]
番禺歷來都係響廣東中心，而地又肥，又近海，所以係比較富庶。所以佢同隔離南海、順德，並稱三邑，又叫南番順。
注 [編輯]
出便網頁 [編輯]
- 番禺地形。
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
