白雲文化廣場站

白雲文化廣場 Baiyun Culture Square
白雲文化廣場站嘅中英文站名
概覽
車站代碼	220
位置	白雲區白雲新城入面，白雲國際會議中心嘅西邊嘅雲城中三路南邊冇幾遠嗰度。
座標	23°11′23.14″N 113°16′32.4″E
車站色
經過路線	2
啟站	2010年9月25號
月台數	2
站口數	3
營運資訊
車站服務時間	06:09—00:11
列車服務時間	06:04—00:16
廣州地鐵2號綫 廣州南站　◄白雲公園站 蕭崗站►　嘉禾望崗站

 白雲文化廣場站（粵拼：baak6 wan4 man4 faa3 gwong2 coeng4 zaam6） （英文：Baiyun Culture Square Station），規劃時期嗌過新市站（san1 si5 zaam6；Xinshi Station）同埋會議中心站（wui6 ji5 zung1 sam1 zaam6；Baiyun International Convention Center Station），係廣州地鐵2號綫嘅車站，2010年9月25號開始營運，位置喺白雲區白雲新城入面，白雲國際會議中心嘅西邊嘅雲城中三路南邊冇幾遠嗰度，隔籬冇幾遠係新市雲霄樓同埋蕭崗涌。佢同3號綫嘅京溪南方醫院站一樣，都係家吓廣州地鐵系統入面，車站名最長嘅一個站。

結構

樓層

呢個站一共有2層樓嘅地下區域。其中地下一樓係站廳同2號綫嘅月台，而地下二樓係收費區嘅聯絡通道。同大多數嘅2號綫車站一樣，冇休息室同廁所響度。

打掂

白雲文化廣場站嘅收費區通道（北邊嗰條）

地面	-	出入口
地下一樓	東站廳	售票機、客服中心、地鐵警務室
	側式月台，開右邊門
	1月台	← 2號綫列車去蕭崗站（行嘉禾望崗嗰邊）
	2月台	2號綫列車去白雲公園站（行廣州南站嗰邊）→
	側式月台，開右邊門
	西站廳	售票機、客服中心
地下二樓	聯絡通道	同兩邊嘅站廳（收費區）、月台（收費區）連埋一齊

打橫

白雲文化廣場站嘅西站廳

白雲文化廣場站（行廣州南站嗰邊）嘅月台

柱上啲字

站廳

呢個站分開咗東同西2個站廳響度，而且2個站廳嘅免費區係冇連埋一齊嘅。但係東西兩個站廳同兩個月台之間，係用咗三條收費區通道（有兩條喺車站嘅月台南北南邊，重有一條喺站廳嘅收費區入面）嚟連埋一齊嘅。

站廳（東邊嗰個，喺2015年2月13號影。）

月台

呢個站有2個側式月台，喺喺白雲區白雲新城入面，白雲國際會議中心嘅西邊嘅雲城中三路南邊冇幾遠嘅地底。

月台（去嘉禾望崗嗰邊，喺2015年2月13號影。）

商舖同自助服務

雖然話而家嘅白雲文化廣場站入面得好少舖頭畀乘客買嘢同食嘢（有麵包檔、充值中心同埋多媒體舖頭），但係車站入面有自助服務設施畀乘客用，包括咗自動影相機、自動販賣機同自動櫃員機；重有可以充羊城通、交水電費同交通嘅罰錢、查地鐵嘅路線、頭尾班車嘅服務。而商舖喺車站嘅C出入口附近。

商舖 bling繽刻 美心西餅 羊城通客戶服務中心

自助服務 好易（Hotye）多媒體自助服務終端 自動販賣機 自動影相機 建設銀行自動櫃員機

出入口

白雲文化廣場站冚唪唥嘅出入口
A出入口 A出入口  B出入口 B出入口  C出入口 C出入口

呢個站一共有3個出入口。分別係A、B、C，但呢3個出入口冇連埋一齊。

編號	標記	方位	去到邊度
西站廳
出入口A	雲城中三路	西	雲城中三路、雲城西路中巴士站、白雲文化廣場巴士總站
出入口B	雲城中二路	北	雲城中三路
東站廳
出入口C	白雲國際會議中心	東	白雲國際會議中心、地鐵白雲文化廣場巴士站
註： 有盲人引導徑 | 有輪椅升降臺

頭尾班車信息同配線圖

配線圖
█ 2號綫 ▲蕭崗站
▼白雲公園站

行去邊頭	頭班車	尾班車
每日
2號綫
廣州南站	06:09	23:23
嘉禾望崗站	06:16	00:11
注意： 喺晚黑最後一班車開走之前嗰5分鐘之內， 係唔畀入閘坐車（包括埋買車飛）。

車站歷史

規劃

喺1988年嘅「十字綫網」規劃入面，雖然話出現咗2號綫嘅樣，但嗰時係冇呢個站嘅。不過到咗1997年嘅《廣州市城市快速軌道交通線網規劃研究（最終報告）》入面就出現咗2號綫嘅「新市」站，嗰時嘅站位就喺而家新市鎮，機場高速公路嘅新市站（北行方向）附近。到咗2002年，呢個站嘅站位就移咗入嚟而家呢度（新市雲霄樓嘅東南邊），重改咗名嗌「會議中心」站，但係後嚟又改咗一次名嗌「白雲文化廣場」站。至於點解改成咁長嘅站名，係因為廣州市地名辦話呢度附近規劃咗要起白雲文化廣場出嚟。嗰時車站要等白雲機場搬走咗先至可以起。

工程

内文：白雲新城同廣州白雲國際機場 (1933—2004)

由於舊嘅白雲機場喺2004年就搬走咗，而白雲新城就喺2007年先至搞掂嗮。而2號綫嘅北延段經過政府批准，終於喺2008年正式開始逳手起，呢個站喺2010年1月份封頂。

開通

内文：廣州地鐵2號綫

喺2010年9月25號，呢個站喺舊嘅2號綫一分為二之後，就開咗呢個站。而家佢係2號綫嘅中途站。

利用狀況

由於喺舊嘅白雲機場搬走咗之後，佢北邊嘅地皮都重未搞到有效嘅開發，尤其係呢個位，都係啲空嘍嘍嘅地區，所以三個出入口都喺嗮荒蕪之地入面。雖然話呢個站嘅東邊冇幾遠就係白雲國際會議中心，西邊幾百米就係啲住宅同埋新市嘅城中村地區，但係凈得新市東邊一帶距離2號綫比較近。附近喺建設緊嘅廣東畫院新址。

因為呢個站靠近蕭崗村同埋齊富路，嗰度嘅居民會嚟呢個站搭地鐵。新市墟亦會有部分乘客搭巴士嚟呢個站轉車。所以呢個站喺早晚高峰有好多人嚟坐車，其餘時間就少啲人。如果白雲國際會議中心有汽車展覽等大型活動，呢個站重會人山人海。

而站名方面，佢同飛翔公園站一樣，由於附近根本就冇白雲文化廣場，所以有啲市民質問點解呢個站嘅站名咁無哩頭。

接駁巴士

日班車：

• 新市雲霄樓總站

  555

• 白雲國際會議中心站

  36、38、66、76、76A、127、223、245、265、529、805、864、B18、大學城1、旅遊3

• 白雲文化廣場站地鐵總站

  420A、421

• 雲城西路中站

  199、742

夜班車：

• 白雲國際會議中心站

  夜9、夜52

附近嘅建築同景區

廣州白雲國際會議中心

大型會議場

• 廣州白雲國際會議中心

住宅區

• 新市雲霄樓
• 中海雲麓公寓

學校

• 東方明珠幼稚園

上一站·下一站

上一站⇚⇚　　　　廣州地鐵　　　　⇛⇛下一站
白雲公園站 廣州南站←	白雲文化廣場站 2號綫	蕭崗站 →嘉禾望崗站