白飯魚，又叫白布鞋，係帆布鞋一種。佢形同色似白飯魚，所以有咁嘅名。白飯魚由中國大陸製，用帆布做鞋身，橡膠做鞋底，底色通常唔係綠就係黑。通常包裝上便都寫住網球鞋。
白飯魚係運動鞋，但比其他運動鞋平。所以唔少人着來做運動，尤其係中小學生。因為夠平，唔怕整污糟，所以做三行都會着住來做嘢。另外香港做喪事尚白，要全身着白色，所以臨急買來當白鞋着。
白飯魚料薄，保護唔多易受傷，所以經濟好啲嘅話，人都改着其他運動鞋。
