皮利斯
出自維基百科，自由嘅百科全書
羅拔·皮利斯（Robert Pirès，1973年10月29號—）係法國足球員，曾經打過阿仙奴，專打攻擊中場。
皮利斯早期喺法甲打滾，但冇贏過法甲聯賽冠軍。當時佢唔算好出名，不過法國國家隊喺1998年世界盃贏得冠軍嗰陣，皮利斯有佢份。
皮利斯要到2000年打歐洲國家盃之後先至為人熟悉。嗰陣時佢走到英超打阿仙奴。2002年佢贏得英格蘭足球先生，而佢亦成功帶起阿仙奴贏咗英超聯賽冠軍。喺2004年，皮利斯重幫阿仙奴以不敗姿態贏得英超聯賽冠軍。佢喺英超每季多數都有十幾球進賬，以一個中場嚟講算係好嘢。2005年曾經有評論話佢表現下滑，但嗰季皮利斯仍然排喺神射手第三位，入14球（嗰年第一名喺亨利）。
由於年紀開始越嚟越大，皮利斯同阿仙奴傾續約嗰陣傾唔成，2006年佢走到西甲打維拉利爾。而喺國家隊，最後出席嘅國際賽係2004年歐洲國家盃。
[編輯] 獎項
- 世界盃：1998年
- 歐洲國家杯：2000年
- 英超聯賽：2002年、2004年
- 英格蘭足球先生：2002年
