石湖墟

出自維基百科,自由嘅百科全書
  呢篇文講香港嘅地名。想搵廣州嘅地名嘅話,請睇石湖村
石湖墟農產品市場
1898年展拓香港界址專條》附圖中嘅石湖墟(Shek-u-hü),圖中下部份

石湖墟Shek Wu HuiShek-u-hü)喺香港上水,係當地一,喺家下港鐵東鐵綫上水站東北。上水粉嶺未成新市鎮之前,呢個墟係上水、粉嶺、沙頭角打鼓嶺各村做生意嘅地方。個墟舊時由廖氏打理,後尾因為秤佣不公,部份鄉民喺粉嶺另立聯和墟,變成新界東北兩大墟市。後尾因為上水變成新市鎮,唔單單係個墟,石湖墟就變成上水嘅舊市區,係個商住混合區,有唔少舖頭運輸署劃咗部份街做行人專用區

分佈[編輯]

石湖墟嘅街多數用【新】字開頭,就有新豐路、新健街、新康街、新財街、新發街、新成路、新功街、新樂街、新祥街、新勤街。而另有巡撫街同符興街。

[編輯]

石湖墟未係墟之前,係個石塘,供人採石。石湖就係石塘咁解。

大清康熙元年,即係1662年,朝廷為咗唔畀居民接濟鄭成功,實行遷界,令沿海五省居民向內遷五十里,沿海居民流離失所。康熙四年,即1665年,兩廣總督周有德廣東巡撫王來任上奏請求復界。到咗康熙八年,1669年,清廷批准復界,居民先至返鄉下重建。兩人死咗之後,居民集資喺石湖墟建報德祠,以紀念兩人恩惠。

石湖墟1955年大火時,報德祠焚燬,剩低巡撫街紀念兩人。1956年又大火,兩場大燒石湖墟燒到頹垣敗瓦,1964年先重建好,墟內好多數係當時起。

1993年香港政府將新成路舊街市,搬到家下石湖墟新街市

喺21世紀,石湖墟成為水貨客集中地之一。

相集[編輯]

睇埋[編輯]

出面網頁[編輯]