砵典乍街

出自維基百科,自由嘅百科全書
跳去: 定向搵嘢
石板街頭嘅梯級
石板街一景
砵典乍街同皇后大道中嘅路口,右見中藝,左見萬宜
二十世紀初嘅砵典乍街
約十九世紀九十年代嘅砵典乍街

砵典乍街(典讀甸;英文Pottinger Street),又寫砵甸乍街,係香港,喺中環一帶。原街只係行人,依山而上,時斜路,時樓梯,舖晒石板,所以又叫石板街。後尾跟填海,向北伸入填地,呢段可以行車。中環填地一段,由干諾道中起,到皇后大道中止。過皇后大道中之後,就係石板街。石板街可以上荷李活道雲咸街分界,過馬路就係舊中環差館。條街係香港中環早期街道之一。

[編輯]

條街係一八五八年命名。砵典乍個名,來自香港首任總督砵甸乍。雖然個名寫典字,但人人都破讀做甸。之不過唐人多數叫石板街。

[編輯]

砵典乍街係條舊街,喺十九世紀末,佢係中環唐人同洋人分野。《香港雜記》有話「西人庄口,俱萃於中環,由砵典乍街至操兵地之間。」可見砵典乍街以東,係當時西人集中地,而唐人就喺街東發展。

[編輯]

填地[編輯]

中環填地一段,由干諾道中起,過德輔道中,斜上皇后大道中。過皇后大道中之後,就係上山嘅石板街。

干諾道街口,可以上行人天橋,駁去全港最長嘅行人天橋,卽中區行人天橋,側邊有交易廣場。干諾道到德輔道一段,東南一邊,有 華人銀行大廈華懋大廈,而西北一邊,有永安集團大廈。華人銀行大廈,有門牌二號A。喺德輔道街口,見電車路橫過。德輔道同皇后大道一段,西北一側,係萬宜大廈,而東南一側,有唔少大廈,德輔道街口,有軟庫中心,其餘大廈門號由二號到卅號,到皇后大道街口,有泛海大廈,轉角位有中藝百貨。

石板街[編輯]

石板街會過士丹利街,再上就到威靈頓街,呢度街口,亦斜角分出擺花街。過威靈頓街之後,再上,東面有樂慶里,西面有伊沙里,再上就係荷李活道雲咸街分界,對住舊中環差館。舊中環差館,舊時又叫巡補房。《香港雜記》有云,「由砵典乍街直上,便是巡捕房之正門。」

石板街一段,石板係麻石來嘅。石板打橫一行行,凹凸相間,方便人上落。雨水會喺兩邊瀉走。街邊兩邊有小販檔

戰前砵典乍街有防空隧道(Air-Raid Precaution Tunnels),但後尾廢棄唔用[1]

[編輯]