神根公約

出自維基百科,自由嘅百科全書
跳去: 定向搵嘢

《神根協定》(Schengen Agreement),亦叫做《神根協議》、或者《神根公約》,講普通話啲人通常都會叫申根,最早晌1985年6月14日由五個歐洲國家(聯邦德國,法國,荷蘭,比利時,盧森堡)喺盧森堡嘅一個小鎮神根(Schengen)簽署。該公約晌1995年7月正式全面生效。神根公約啲成員國又叫「神根國家」或者「神根公約國」,成員國的整體又叫做「神根區」。

神根公約嘅目的係要取消大家之間嘅邊境檢查點,仲會協調對神根區出面嘅邊境控制。即係晌七個成員國之間冇咗邊境管制,揸住是但一個成員國有效身份證或者簽證的人可以晌所有成員國境度自由流動。根據呢個協定,旅遊者如果揸住其中一國嘅有效簽證就可以合法咁去其他神根國家參觀。

呢條公約簽訂咗之後不斷有新嘅國家入咗嚟,到2003年,神根嘅成員國加到15個:奧地利比利時丹麥芬蘭法國德國冰島意大利希臘盧森堡荷蘭挪威葡萄牙西班牙同埋瑞典。呢啲國家就係今日的神根區。

神根國家入面除咗挪威和冰島之外其他全部都係歐盟國家,倒返轉頭,英國愛爾蘭係歐盟國家,不過就唔係神根協定嘅成員國。晌2004年5月入咗歐盟嘅10個國家:愛沙尼亞拉脫維亞立陶宛波蘭捷克匈牙利斯洛伐克斯洛文尼亞馬爾他同埋賽普魯斯都參加咗神根協定,但佢地會跟返自己嘅實際情況,晌2006年之後實施。

九個主要為前蘇聯成員國的國家正式加盟《神根協定》,使神根國家由目前的15個增加到24個。由東歐愛沙尼亞至西面葡萄牙等24個國家解除邊境管制,旅客國與國之間來往自如,整個神根地區有美國1/3面積。歐盟委員會主席巴羅佐讚揚神根協定嘅精神:「自由往來係人權之一。」

2007年12月21號又加入愛沙尼亞、匈牙利、立陶宛、拉脫維亞、馬耳他、波蘭、斯洛文尼亞、斯洛伐克以及捷克九國。但英國一直冇加入神根公約,持英國護照嘅人就未能享受公約帶來嘅方便。

而家神根區無疆界國家有二十四個,總人口達到四億,為歐洲一體化邁進一步。

居民無須出示護照就可以經海、陸過境,至2008年3月,新成員國嘅機場會撤銷埋通關檢查。

出面網頁[編輯]