福克公司

出自維基百科,自由嘅百科全書
尼德蘭皇家航空嘅福克70,福克公司破產之前最後一款成功嘅客機。

福克公司荷蘭文Fokker)係荷蘭一間飛機製造商,以創辦人安東尼·福克(Anthony Fokker)命名[1]

一戰期間,福克公司因為協助德國空軍改良戰鬥機,令到機炮子彈唔會再打中螺旋槳而聞名。一戰之後,福克公司進軍客機市場,曾經一度成為全球最大嘅客機製造商,甚至喺美國開到分公司。二戰期間,福克公司嘅工廠被納粹德軍佔領,為德國空軍製造飛機。二戰之後,福克公司集中精力研發客機,曾經一度復蘇。但係最後都係敵唔過實力強大嘅波音同異軍突起嘅空中客車。經過幾次唔成功嘅合併談判之後,1996年3月15號,阿姆斯特丹法庭宣佈福克公司正式破產。福克公司喺尼德蘭嘅資產後來賣晒畀史托克公司(Stork N.V.),而美國分公司就被通用電氣收購咗。

2009年,史托克公司重新啟用咗「福克」伊個品牌,但係就再都無推出過新機型。

參考[編輯]

  1. "Anthony Herman Gerard Fokker." 互聯網檔案館歸檔,歸檔日期2012年10月9號,. Fokker, A Living History. Retrieved: 19 December 2010.