科莫多巨蜥
出自維基百科，自由嘅百科全書
 |
||||||||||||||||
|---|---|---|---|---|---|---|---|---|---|---|---|---|---|---|---|---|
 |
||||||||||||||||
|
|
||||||||||||||||
| 物種分類 | ||||||||||||||||
|
||||||||||||||||
|
|
||||||||||||||||
| Varanus komodoensis Ouwens, 1912 |
||||||||||||||||
 科莫多巨蜥嘅分布
|
科莫多巨蜥（英文：Komodo Dragon；學名：Varanus komodoensis；又叫科摩多巨蜥或者科摩多龍）係世界上最大隻嘅蜥蜴，科莫多龍屬於巨蜥科（Varanidae），響印尼好多島上面住。
目錄 |
[編輯] 分佈
據估計，而家仲有 6000 條科莫多龍，集中響印尼小巽他群島（Kepulauan Sunda Kecil），包括科莫多島（Komodo）有大約 1700 條、林卡島（Rincah; Rinca）有 1300 條、莫堂島（Gili Motang）有 100 條、佛羅雷斯島（Flores）可能有2000條。
[編輯] 外形
平均長度 2 至 3 公尺。喺野生環境，成年嘅大科莫多龍普遍重約 70 公斤，獵獲嘅樣本往往仲要重些少。證實到最大嘅樣本係 3.13 公尺長，166 公斤重（未消化嘅食物計埋) 。 薩氏巨蜥（Varanus salvadorii，又叫鱷魚巨蜥）比科莫多龍更長，但係比較瘦，冇咁重。
[編輯] 生活習性
科莫多龍係肉食性嘅，獵食生嘅獵物。佢哋會靜雞雞走近獵物，然後突襲，短跑幾步時速可以有成20公里。科莫多龍係冇毒嘅，但係牙罅有 50 種以上嘅細菌。若然最初一口咬唔死啲獵物，畀佢走得甩，啲細菌都搞到敗血症，響一禮拜內就會整死佢哋。之後，科莫多龍食獵物嘅腐肉。論智慧，社會性，個性，學習能力等，都足以同其他頂尖哺乳動物（好似獅子）有得比。
科莫多龍嘅獵食範圍好闊，野豬、山羊、鹿同水牛都啱。喺野生環境度，科莫多龍會甚至獵食後生嘅同類。偶然會獵食人同人嘅屍體。從發現到而家，已經有 12 個人以上畀科莫多龍咬死，不個，據報亦有敗血症唔死得嘅。
科莫多龍會喺5至8月交配，9月生蛋。乸會將蛋生喺地底或樹穴嚟保護佢哋。一竇平均有 20 顆隻，孵化期係 7 個月。但係，人工孵化嘅科莫多龍，一般唔識自衛，多數會死。頭幾年，BB 科莫多龍一般會住喺樹上，喺樹上生存機會好啲。大慨 5 年就成熟，會生到 2 公尺咁長，最多有 30 年命。
[編輯] 研究歷史
歐洲人第一次喺 1910年發現佢哋。1912年後，爪哇島茂物（Bogor）嘅動物學博物館主館 Peteruwens，出版咗一份該主題嘅報告，令世人知得多一啲。1980年，科莫多國家公園成立，幫手保護科莫多龍嘅族群。即使今是今日，啲報紙雜誌仲經常用「食人獸」，「殘酷」呢字眼嚟形容佢哋。
香港無線電視派藝員同攝製隊，去科莫多島搵科莫多龍。節目叫「極地歷險系列之勇闖恐龍島、帛琉獵奇」。節目度，三位主持林峰、鄧健泓同趙翠儀長途跋涉去到「恐龍島」。無線成為亞洲第一家喺嗰個島拍嘢嘅電視台。由於科莫多島與世隔絕，隊人只係住喺由木柱撐起嘅棚屋。夜晚，科莫多龍不時爬近棚屋，棚屋採用離地設計令科莫多龍上唔都去。據村民所講，科莫多龍絕少襲擊當地人，幾日嚟，攝製隊近距離睇科莫多龍嘅擸食，仲俾科莫多龍追。
[編輯] 睇埋
- 科莫多國家公園
- 古巨蜥（英文）
- 西方龍
- Bob and Ray（英文）
- 神秘動物學
[編輯] 參考、拎
