空中巴士 A380

空中巴士 A380 係法國空中巴士公司最新嘅大型客機，亦係全球載客量最高嘅客機，有「空中巨無霸」之稱。A380 有兩層四引擎客機，採最高密度座位安排時可載 850 個乘客，喺典型分頭等、商務、經濟艙嘅安排之下，可以載到 555 個客咁多。

呢架機嘅原型機係喺2004年中第一次亮相，直至2005年 1月18號，空中巴士於土魯斯廠房為首架A380舉行出廠典禮。2005年 4月27號 A380 第一次成功試飛，同年嘅11月11號，第一次跨洲試飛去到亞洲嘅新加坡。A380 預計會喺2007年正式運畀買家。而家全球有十幾家航空公司訂咗 A380。

A380 投入服務之後，就會破咗波音 747 35年嘅紀錄，成為世上載客量最大嘅民用飛機，不過，烏克蘭嘅安托諾夫造嘅 An-225 夢想式運輸機依然係載得最重嘅民用飛機^[1]。