空軍十字勳章 (美國)

出自維基百科,自由嘅百科全書
跳去: 定向搵嘢
空軍十字勳章個樣

空軍十字勳章英文Air Force Cross),係美國空軍成員可以被授予嘅第二高等級嘅勳章[1]。空軍十字勳章係授予嗰尐響打仗嘅時候作出極度英勇嘅行為,但係又不足以頒發榮譽勳章嘅任何美國空軍人員。空軍十字勳章相當於美國陸軍傑出服役十字勳章海軍海軍十字勳章

[編輯]

空軍十字勳章原本叫做「傑出服役十字勳章」,同陸軍嘅傑出服役十字勳章同名,響1947年美國空軍成為咗獨立軍種之後被提議設立,由埃莉諾·考克斯設計,美國國防部紋章研究所托馬斯·哈德遜·瓊斯製作。1960年7月6號,美國國會通過法案,正式設立呢個勳章,又將個名改做「空軍十字勳章」,以表明勳章屬於美國空軍嘅[2]

第一枚空軍十字勳章係追授畀響古巴導彈危機中陣亡嘅U-2駕駛員魯道夫·安德森少校,以表彰佢嘅英勇行為[2]

去到2008年4月,美軍一共授予192枚空軍十字勳章畀187個軍人。響第二次世界大戰嘅時候追授咗兩枚,越南戰爭中授予咗180枚,1975年嘅馬亞圭斯號事件授予4枚。1991年海灣戰爭授予兩枚,1993年索馬里摩加迪沙之戰授予一枚,2003年響阿富汗巨蟒行動之後授予咗兩枚。

外觀[編輯]

空軍十字勳章主體係一個光澤嘅銅製十字,響十字嘅正面係一隻喺雲上嘅美國國鳥白頭海鵰,同美國空軍紋章嘅設計相同,外圍由綠色琺琅整、邊緣鑲金嘅月桂花環環繞。勳章嘅背面留空,每枚授出嘅空軍十字勳章都會刻上被授予者個名[2]

綬帶中部係布列塔尼藍色,邊緣係白色同紅色嘅條帶;綬帶嘅式樣幾乎同陸軍嘅傑出服役十字勳章相同,只係中央條帶換咗做比較淺嘅顏色,以表明兩種勳章之間嘅相似性[2]。如果一個人多次獲頒嘅話,綬帶上面會加佩橡葉束做裝飾[3]

參考[編輯]

  1. Air Force Instruction 36-2803 Table 2.1: [1]
  2. 2.0 2.1 2.2 2.3 Air Force Cross. Air Force Link (USAF). . 喺2010年10月18日搵到;. (原先內容喺2012-07-23歸檔). 
  3. Title 10, Sub-Title D Air Force, Part II Personnel, Chapter 857 Awards and Decorations, §8744. Cornell University Law School. . 喺9 February 2009搵到;.