竹昇麪

出自維基百科,自由嘅百科全書
(由竹昇麵跳轉過嚟)

竹昇麪粵拼zuk1 sing1 min6)係用竹昇壓製嘅麪條,多係用鴨蛋做嘅全蛋麪(又叫銀絲麪)、擔桿麪,喺香港澳門廣東廣西貴州等地係雲吞麪常用嘅麪條。

整麪方法[編輯]

整麪嗰陣,竹昇麪師傅會坐喺竹昇(一碌大茅竹)一頭,重複出力下壓竹昇另一頭下面個麪團,壓薄後再切成麪條。而且喺水中煮麪嗰陣要係用猛火加熱嘅。

品種[編輯]

有講法話竹昇麪源自清朝廣州西關[未記出處或冇根據] 。爾隻麪分兩種,一種係加咗鴨蛋鹼水嘅竹昇麪,另一種就係全用雞蛋整出嚟。第一種世藝加入鹼水嘅作法可以令麪質口感正啲。第二種世藝就令麪質較為爽身而且令雞蛋香味濃多啲。