第一城站

第一城 City One

第一城站嘅月台

區 沙田區 地區 沙田

通車 2004年12月21號 站類 架空 月台類 1島式月台 月台數 2個 出口數 4個

途經 馬鞍山綫 代碼 CIO 服務時間 0535-0120 接駁交通 巴士、小巴

街道圖 港鐵網

第一城站A出口

第一城站係港鐵馬鞍山綫一個鐵路站，係個架空車站。個站起喺沙田圓洲角一帶。個站原本建議叫圓洲角站，但因為喺沙田第一城側邊，所以叫第一城站。

車站結構

第一城站共分2層。車站大堂響地面，月台設喺大堂上面。車站設有2個月台，採用島式月台方式排列，月台南面設有預留空間方便馬鞍山綫延長用8卡行走。大堂同月台層之間設有升降機同埋扶手電梯，方便乘客使用。而本站北面設有側線，方便列車調動或者信號故障嗰陣用。

車站樓層

P 月台	➊	往大圍
	島式月台，左邊嘅車門將會打開
	➋	往烏溪沙
C 大堂 （地面）	大堂	出口
		出口、客務中心、洗手間、 車站商店、「e分鐘著數」機

車站出口

第一城站喺愉田苑同插桅桿街之間，東華三院邱金元中學隔籬，車站對面就係愉翠苑同埋欣廷軒。愉田苑、威爾斯親王醫院同埋聖羅撒學校嘅新校址都喺站附近。另外，車站南便有條行人天橋過插桅桿街。

• A - 愉田苑
  • 尤德夫人學童牙科診所、五旬節林漢光中學、愉田苑、圓洲角診所
• B - 威爾斯親王醫院
  • 聖公會張國亮伉儷安老樓、林大輝英文中學、欣廷軒、威爾斯親王醫院、聖公會靈風堂、聖羅撤書院
• C - 沙田第一城
  • 浸信會呂明才小學、第一城中心、沙田第一城、胡素貞博士紀念學校、銀城商場、聖公會林裘謀中學、睛碧花園、東華三院邱金元中學
    • 設有斜道及失明人士引導徑往返地面
• D - 愉翠苑
  • 插桅杆新村、捷和中心、捷和實業大廈、都會廣場、嘉柏大廈、永得利大廈、金利來集團中心、香港駕駛學院、資訊工業中心、牛皮沙街、沙田工業中心、愉翠苑、源順圍、欣廷軒、九龍巴士沙田車廠、太古汽水廠、插桅杆街
    • 設有斜道及失明人士引導徑往返地面

車站周邊一覽

主要大廈及購物中心 沙田第一城 第一城中心 銀城商場 愉田苑 欣廷軒 愉翠苑 睛碧花園 富豪花園 翠麗花園 春輝花園 冠華鏡廠集團大廈 都會廣場 嘉柏大廈 資信工業中心 永得利大廈 沙田工業中心 捷和中心 捷和實業大廈 金利來中心 九龍巴士沙田車廠 太古汽水廠

公共服務及設施 威爾斯親王醫院 圓洲角診所 尢德夫人學童牙科診所 耆康會群芳念慈護理安老院 小瀝源路遊樂場 小瀝源警署 小瀝源消防局 學校 聖公會林裘謀中學 東華三院邱金元中學 五旬節林漢光中學 林大輝中學 聖羅撒書院 胡素貞博士紀念學校 浸信會呂明才小學 香港駕駛學院 交通 插桅桿街 牛皮沙街 銀城街

• 

  沙田第一城

• 

  銀城商場

• 

  威爾斯親王醫院

• 

  東華三院邱金元中學

鄰接車站

	馬鞍山綫
大圍 - 車公廟 - 沙田圍 - 第一城 - 石門 - 大水坑 - 恆安 - 馬鞍山 - 烏溪沙

接駁交通

• 九巴：
  • 49X、73A、80K、82K、82M、82X、83K、84M、85A、86、89X、281A
• 過海隧道巴士：
  • 182
• 龍運巴士：
  • A41
• 專線小巴：
  • 804 - 顯徑 ↔ 廣源（八達通轉乘優惠）
  • 808 - 威爾斯親王醫院 ↔ 錦英苑（八達通轉乘優惠）
  • 808P - 威爾斯親王醫院 ↔ 恒安（八達通轉乘優惠）
  • 其他路線：65A、65K、804、811、811A

利用狀況

由於本站週邊地區多數係住宅區同學校區，同埋本站係最近威爾斯親王醫院同小瀝源工業區嘅港鐵站，所以用本站嘅乘客多數係沙田第一城、愉田苑、欣廷軒同愉翠苑嘅居民，同埋喺附近學校返學嘅學生同去醫院探病或返工嘅市民，亦有唔少喺工業區返工放工嘅市民，因此本站人流唔少。

上一站‧下一站

上一站		港鐵		下一站
沙田圍 往大圍		馬鞍山綫		石門 往烏溪沙

列車班次

月台	方向	列車班次（分鐘）						頭班車	尾班車
		平日上晝 繁忙時段	平日下晝 繁忙時段	星期六上晝 繁忙時段	星期六下晝 繁忙時段	星期六 非繁忙時段	平日非繁忙時段/ 星期日及公眾假期
➊	往大圍	3	4	3	4	5-7		0551	0050
➋	往烏溪沙							0545	0110