第12屆加泰隆尼亞自治區議會選舉

第12屆加泰隆尼亞自治區議會選舉
加泰隆尼亞選舉政治專題
‹ 2015 •  • 未定 ›
2017年12月21號
選舉類型				議會
議席數目				135
選舉席次				135（過半數要68席）
File:Inés Arrimadas 2017 (cropped).jpg			公民黨
			投票數				1,102,099
			獲得議席						36 ▲ 11
									25.4%
			普伊格德蒙特－一起為了加泰羅尼亞
			政黨聯盟			加泰隆尼亞歐洲民主黨
			投票數				940,602
			獲得議席						34 ▲ 3
									21.6%
			加泰隆尼亞左翼黨
			投票數				929,407
			獲得議席						32 ▲ 6
									21.4%
			社會黨
			投票數				602,969
			獲得議席						17 ▲ 1
									13.9%
			加泰隆尼亞共同黨
			投票數				323,695
			獲得議席						8 ▼ 3
									7.5%
			團結受歡迎候選人
			投票數				193,352
			獲得議席						4 ▼ 6
									4.5%
			人民黨
			投票數				184,108
			獲得議席						4 ▼ 7
									4.24%
選票分佈圖
36   公民黨   32   加泰隆尼亞左翼黨   8   加泰隆尼亞共同黨   4   人民黨						34   一起為了加泰羅尼亞   17   社會黨   4   團結受歡迎候選人
加泰隆尼亞自治區主席
選前（代理） 薩恩斯德聖瑪麗亞 人民黨						選後 托倫特 獨立人士

第12屆加泰隆尼亞自治區議會選舉響2017年12月21號舉行。

背景

10月29號，馬德里政府正式全面接管加泰隆尼亞自治區，解散地方議會，訂響12月21日重選。西班牙外相達斯蒂斯話，期望加泰議會改選之後能夠為地區變返合法，強調加泰繼續係西班牙一部分。西班牙檢察部門尋求起訴普伊格德蒙特、前自治區副主席洪克拉斯同前加泰議會議長福卡德利等廿個前加泰官員同其他獨派領袖問話，就推動加泰獨立尋求正式起訴佢哋叛亂、煽動暴亂同濫用公款等罪名。西班牙最高法院已經傳召自治區議會議長同多個議員2號開始，一連兩日出庭作證。其中叛亂罪最高刑罰係坐三十年監，煽動暴亂同立亂使用公款最高可被判十五同六年監。

10月30號，中央政府正式接管加泰之後首個禮拜一，部分前加泰內閣官員如常返工，重聲言會繼續履行加泰民眾賦予佢哋嘅職務。多個獨派政黨亦開會決定參加議會改選，誓言要響選舉擊敗統派勢力。不過當地民調反映獨派政黨民望落後，多個政黨領袖面臨被起訴亦不利選情。

10月31號，西班牙憲法法院取消加泰隆尼亞自治區議會響10月27號單方面宣布嘅獨立。至於被中央政府撤去加泰自治區主席職務嘅普伊格德蒙特，就響布魯塞爾歐盟總部附近嘅記者俱樂部召開記者會，自從有比利時官員話過可以提供政治庇護後，佢嘅去向引起猜測。佢解釋加泰獨立係歐洲事務，希望可以引起其他歐洲國家嘅關注。佢亦承認加泰獨立嘅步伐會有所放緩，但係暴力唔係達致獨立嘅手段，認為同馬德里政府對話先係最重要。如果得到馬德里政府嘅保證，佢就會返加泰，唔會逃避法律責任。佢亦接受呢次選舉，又話係重大挑戰。對於馬德里政府話佢同多個議員涉及叛亂，佢特登強調話毫無根據，部分自治政府人員會留響加泰，繼續政治活動。

過程

各政黨嘅候選人把握禁止選舉活動前嘅最後機會拉票。

候選人

加泰隆尼亞自治區歐洲民主黨

被西班牙政府起訴叛亂罪，流亡到比利時嘅前自治政府主席普伊格德蒙特，透過直播同支持者發表演講，佢攞到支持獨立政黨聯盟「一起為加泰羅尼亞」推舉做領袖，形容今次重選係同首相拉霍伊嘅對決，如果贏出將會返翻加泰羅尼亞。

加泰隆尼亞左翼黨

普伊格德蒙特昔日嘅副手、領導加泰隆尼亞左翼黨嘅洪克拉斯仍然身陷牢獄，佢標榜自己響中央政府對付獨派人士時未有一走了之，而是留底承擔責任，近排重一改強硬獨派口風，話願意同中央政府溝通。

公民黨

反對加泰羅尼亞獨立嘅公民黨主席阿里馬達斯講明，會將加泰羅尼亞獨立嘅野心埋葬。

民意調查

選前民意調查話，獨派仍然有強大支持，但係統派支持者唔再沉默之下，兩派政黨爭持激烈，相信響五百五十萬選民入面，兩成冇投票方向嘅選民會成為關鍵。

分析

選前

加泰羅尼亞10月舉行公投後單方面宣布獨立，之後被首相拉霍伊收返自治權解散議會。今次選舉地方議會預料投票率會創新高。拉霍伊話響選出合法政府之後就會重新賦予加泰羅尼亞自治權。外界將呢次選舉睇做第二次獨立公投，中央政府就希望攞返獨派響當地嘅控制權，不過希望有機會落空。如果冇一個政黨的攞到過半嘅六十八個議席，兩大獨派有機會再度合作組成地方政府。統派嘅公民黨亦可能同拉霍伊領導嘅人民黨，同立場一致嘅加泰羅尼亞社會黨合作。一旦兩派無法攞到足夠議席，表明唔會支持阿里馬達斯同普伊格德蒙特嘅加泰羅尼亞共同黨領導人多梅內奇，可能一躍成為造王者。

選後

最終結果獨派響選舉攞到過半數議席，新任自治區主席最快要響1月底之前選出，佢哋諗住再推舉普伊格德蒙特做自治區主席，等佢以直播影片方式嚟控制議會運作，但係西班牙首相拉霍伊早前講到明，如果普伊格德蒙特試圖用直播遠距離治理加泰羅尼亞，中央政府會維持對自治區嘅直接管治，所以獨派最終推舉托倫特做新一任議長。

後續

2018年1月17號，西班牙加泰羅尼亞自治區新一屆議會第一次開會，呢次會議亦係2017年10月馬德里政府解散議會提早選舉之後嘅第一次，會到攦咗幾張座凳上面都有黃絲帶標誌，代表八個坐緊監又或者被通緝緊嘅當選議員，當中包括流亡比利時嘅自治區前主席普伊格德蒙特。會議選出獨派嘅托倫特做新一任議長。