第3屆香港行政長官選舉

出自維基百科,自由嘅百科全書
‹ 2005 • 香港 • 2012
2007年3月25號
選舉類型 行政長官

選舉統計
選民人數 800
總投票數 772
  
99.1%  

2 曾蔭權
獲得選舉委員票 649  
  
81.12%

1 梁家傑File:Hong Kong Civic Party Logo.svg公民黨
獲得選舉委員票 123  
  
15.38%


香港行政長官
選前
曾蔭權
獨立人士
選後
曾蔭權
獨立人士


第三屆行政長官選舉,係喺2007年上半年舉行嘅香港特別行政區行政長官選舉。選舉由800人組成嘅選舉委員會投票,由一位或者多位候選人之中,揀出下一任行政長官。由於立法會修訂咗《行政長官選舉條例》,加入信任投票制度,所以今次就算只得一個人有足夠提名,仍然需要投票。

參選資格[編輯]

參選人要係香港特別行政區永久性居民中國公民,無外國居留權;實齡夠40歲;喺香港連續住夠20年。參選人最少要有100人簽名提名佢先可有資格選。成個選舉最多可以用HK$9,500,000。

確認咗啱資格嘅候選人[編輯]

姓名 性別 政治聯繫 提交提名表格日期 提名人數
梁家傑 公民黨 2007年2月14號 132人
曾蔭權 2007年2月16號 641人

梁家傑[編輯]

第二屆行政長官選舉嗰陣因為得一個候選人獲有效提名,結果唔使投票董建華就自動當選;之後喺2005年香港特別行政區行政長官補選都係「一人參選」。所以今屆公民黨民主黨決定積極參與選舉委員會選舉,希望透過間接選舉而成功令候選人關注選民所關心嘅課題,唔會單單為商界服務。令次選舉,由800人選舉委員會選舉開始。

兩黨代表公民黨梁家傑喺2006年11月6號宣布角逐。

2007年1月31號,梁家傑喺中環遮打花園宣佈得到111個選委提名,夠晒參加行政長官選舉[1]2月10號,梁家傑佈取得123名選委提名。2月14號,即提名期正式開始首日,梁家傑即前往提交選委提名表格,共取得132個提名,成為第一個確認嘅候選人[2]。佢個競選口號,中文係「誰想去贏一場沒有對手的競賽?」,"Who wants to win a race without competition?"。

曾蔭權[編輯]

2007年1月22號以「正積極考慮及預備參加行政長官選舉」名義,好高調咁坐行政長官專車,去到灣仔東亞銀行港灣大廈嘅「曾蔭權競選辦公室」。佢要到2月1號先至正式參選[3]。2007年2月5號佢宣布拎到多過450名委員提名。佢個競選口號,中文係「我會做好呢份工」,而英文 "I'll get the job done!"。

第三屆行政長官選舉[編輯]

選舉過程[編輯]

提名期[編輯]

2007年香港特別行政區行政長官選舉提名期由2月14號到3月1號

投票日[編輯]

2007年香港特別行政區行政長官選舉投票日喺3月25號亞洲國際博覽館舉行。香港政府今次響呢度搞,係因為會展爆棚,投票要移去博覽館搞。嗰日上晝9點到11點係第一輪投票。如果無人得到過半數有效票,就會喺下晝兩點到四點舉行第二輪。如果仲未有人過半數,夜晚上7點到9點,再搞第三輪。

時序[編輯]

投票當日過程[編輯]

  • 09:00 首輪投票開始。
  • 11:00 首輪投票結束。
  • 11:53 首輪投票結果公佈,曾蔭權以649票當選。

選舉結果[編輯]

喺呢次選舉,800名選委(當中有四人身份重覆,另外一人死咗)當中總共有789名選委攞咗選票,投票率係99.1%。在投票箱內嘅788票中,有效選票佔772張,另外有11張空白票,4票冇用印章蓋印,一票同時蓋咗印喺兩名候選人嘅空格上。另外有一張空白嘅選票放咗喺投票間地下,冇放進投票箱內[4]。事後梁國雄話嗰張票係佢攞嘅,佢本來想當眾撕毀選票,以表達對小圈子選舉嘅不滿,但畀工作人員制止,所以佢將空白選票丟喺地下。

各候選人得票情況如下[5]

編號 候選人 得票 得票率 結果
1 梁家傑 123票 15.93%
2 曾蔭權 649票 84.07% 當選

選舉總結[編輯]

曾蔭權同夫人喺百德新街乘坐開篷巴士謝票
  • 梁家傑得到132名選委提名參加行政長官選舉,但喺不記名投票之中,就算加埋佢投畀自己嘅一票,亦只係得到123票,比提名數目少。
  • 曾蔭權得到641名選委提名參加行政長官選舉,喺投票中得到649票(其中一票冇蓋喺指定位置入面,但選舉主任馮驊法官認為印章蓋咗喺曾蔭權一欄,明確表達投票意向,裁定有效)。
  • 呢次選舉有16票裁定無效,另有一票冇放入投票箱;而1996年嘅選舉就只有一張空白票。

選舉過程議題[編輯]

影響[編輯]

出面網頁[編輯]

參選人競選網頁[編輯]

參考[編輯]

  1. 梁家傑獲111選委提名 互聯網檔案館歸檔,歸檔日期2007年2月7號,.,明報即時新聞,2007年1月31號
  2. 行政長官選舉提名裁定為有效,香港政府新聞網,2007年2月14日
  3. 曾蔭權宣布參選第三屆特首 互聯網檔案館歸檔,歸檔日期2007年2月8號,.,明報即時新聞,2007年2月1號
  4. 選舉中共有11張白票 互聯網檔案館歸檔,歸檔日期2007年4月2號,.,明報新聞網,2007年3月25號
  5. 行政長官選舉結果(附短片),政府新聞處,2007年3月25日

參閱[編輯]

一覽表[編輯]