第5屆土庫曼總統選舉
第5屆土庫曼總統選舉
| |||||||||||
|---|---|---|---|---|---|---|---|---|---|---|---|
‹ 2012 •  • 2024 ›
| |||||||||||
| 2017年2月12號 | |||||||||||
| 選舉類型 | 總統 | ||||||||||
| 選舉制度 | 單選區絕對多數制 | ||||||||||
| 選舉統計 | |||||||||||
總投票百分比
| |||||||||||
| 97.28% ▲ 0.58% | |||||||||||
|
|
別爾德穆哈梅多夫－土庫曼民主黨 | ||||||||||
| 97.69% | |||||||||||
 |
安納佩索夫 | ||||||||||
| 1.02% | |||||||||||
 土庫曼總統 | |||||||||||
第5屆土庫曼總統選舉響2017年2月12號舉行[1]。
土庫曼中央選舉委員會2月13號響首都阿什哈巴德宣佈，根據初步點票結果，現任總統別爾德穆哈梅多夫贏出總統選舉，將會再次連任。呢個已經係別爾德穆哈梅多夫嘅第三個總統任期[1]。
背景[編輯]
呢次總統選舉有九個候選人競逐，重包括工業家同企業家黨推選出來嘅候選人阿塔雷耶夫、農業黨推選出來嘅候選人奧拉佐夫等八個[1]。
呢次係2016年9月土庫曼修改憲法之後嘅首次總統選舉。根據新憲法，新一屆總統任期將會由五年延長到七年[1]。
現任總統別爾德穆哈梅多夫1957年喺土庫曼阿什哈巴德州出世，土庫曼國立醫學院畢業。上任總統尼亞佐夫響2006年12月死咗之後，別爾德穆哈梅多夫出任代總統，後來響2007年2月舉行嘅總統選舉入面成為國家獨立之後嘅第二位總統，重響2012年嘅總統選舉入面成功連任[1]。
結果[編輯]
中央選舉委員會響記者招待會上面話，加埋超過三百一十四萬個選民參加咗投票，投票率係百分之九十七點二七。初步點票結果話，響九個候選人入面，土庫曼民主黨推選出來嘅別爾德穆哈梅多夫攞到九十七點六九嘅選票[1]。
目前設響土庫曼駐外使領館嘅少數幾個票站重未有出結果，一點完呢啲選票，中央選舉委員會將儘快公佈最終選舉結果[1]。
後續[編輯]
上合組織秘書長阿利莫夫響投票結果公佈之後話，呢次係土庫曼歷史上第一次有三個政黨推選嘅候選人參加總統選舉。而呢次總統選舉為所有候選人提供咗平等條件，選舉係民主、開放同公正嘅，上合組織觀察員冇響選舉入面發現舞弊行為[1]。