算盤

出自維基百科,自由嘅百科全書
跳去: 定向搵嘢
唐人算盤
日本算盤
俄國算盤

算盤(英文Abacus)係一種計數架生,佢個款係有個木框。裏面有一支支籤串住算珠。算盤估計響公元前1000年到前500年之間出現。響世界各地都有用過算盤來計數。嘅可以分為每行七粒珠(上面啲珠嘅數值係5,下面啲珠嘅數值係1)同埋五粒珠嘅算盤。唔同地方有唔同算盤,好似有中國算盤巴比侖算盤羅馬算盤日本算盤俄羅斯算盤敎育算盤等等。

但係而家已經冇乜地方用,就算啲華資銀行都唔再用。間中重有一兩間涼茶舖用來做裝飾。

密底算盤[編輯]

一般算盤,上下打通。唔方便傾生意,因爲計乜數,出乜數,都畀人睇晒。密底算盤,將算盤底冚密。底向出嘅話,自己打乜數,都無人知。要出乜價,打完畀對方睇,講價唔使出一聲。[1]

廣東話有講,密底算盤—冇漏罅。即係話一文錢都唔放過,算到盡。

文法[編輯]

文法上講,算盤係一個來計,即係一個算盤咁。

[編輯]