簡體中文
出自維基百科，自由嘅百科全書
| 簡體中文 | ||
|---|---|---|
| 類型： | 意音文字 | |
| 語言： | 漢語 | |
| 使用時期： | 1956年到而家 | |
| 母書寫系統： | 中文字 甲骨文 金文 篆書 隸書 繁體中文 簡體中文 |
|
| 姊妹書寫系統： | 日本新字體 喃字 |
|
| ISO 15924 碼： | Hans | |
.svg) |
||
| 注意: 呢頁包含 統一碼嘅萬國音標 | ||
簡體中文，又叫簡化中文，粵語又叫簡筆字、簡體字或者減筆字，係指1956年中華人民共和國推行漢字簡化之後用嘅中文，同原本用開嘅繁體中文相對。而家簡體中文主要喺中國大陸、馬來西亞同新加坡用。
1971年，中華人民共和國代替咗中華民國喺聯合國嘅席位之後，簡體中文已經取代咗繁體中文成為聯合國官方語言之一。踏入21世紀，隨住中華人民共和國影響力日增，外國人學中文時用嘅字逐漸變成以簡體中文為主。
其實簡體中文嘅正式稱呼係叫「簡化字」，簡體中文本來係微軟用嘅名 [未記出處或冇根據]，但因為微軟影響力巨大，所以令到好多人分唔清楚「簡體字」同「簡化字」。
[編輯] 簡化字、簡體字嘅本義分別
- 簡化字：係以中華人民共和國1964年公佈，1986年修訂嘅《簡化字總表》作標準，係中華人民共和國官方嘅叫法，對應嘅係未被簡化嘅「繁體字」。
- 簡體字：係指歷史上一批古時就有、歷代通行但筆劃較少嘅俗字，同簡化字以人工修改、刪替、大動干戈後嘅字，意思有好大分別。
[編輯] 簡體中文嘅好同壞
由簡體字嘅筆畫少，寫嘢嗰陣就會快好多，方便人與人之間嘅溝通；小朋友亦都唔使再記住啲咁多筆畫嘅字，有助增加學童嘅學習效率。
不過亦有人認為，簡體字違反咗造字嘅原則，同埋會令到字型缺乏美感。
事實上，因為同音字嘅數量遠比正體字多，而簡化咗之後好多字型亦變得相似，所以閱讀起嚟，速度會比唔上正體字。
