簡體中文
出自維基百科，自由嘅百科全書
(由簡體字跳轉過來)
| 簡體中文 | ||
|---|---|---|
| 類型： | 意音文字 | |
| 語言： | 漢語 | |
| 使用時期： | 1956年到而家 | |
| 母書寫系統： | 中文字 甲骨文 金文 篆書 隸書 繁體中文 簡體中文 |
|
| 姊妹書寫系統： | 日本新字體 喃字 |
|
| ISO 15924 碼： | Hans | |
.svg) |
||
| 注意: 呢頁包含 統一碼嘅萬國音標 | ||
簡體中文，又稱簡化中文，粵語又有簡筆字、簡體字、減筆字之稱，指1956年中華人民共和國推行漢字而簡化嘅字，相對於傳統漢字（繁體中文）。今日，簡體中文喺中國大陸、馬來西亞、新加坡三地嘅官方標準。
1971年，中華人民共和國取代咗中華民國喺聯合國嘅席位。自此，簡體代替繁體成為聯合國嘅官方語言之一。踏入21世紀，隨住中華人民共和國影響力日增，外國人學中文時用嘅字逐漸變成以簡體為主。
其實，簡體字嘅正稱係「簡化字」，簡體中文本來係微軟用嘅名 [未記出處或冇根據]，但受到微軟所影響，好多人都分唔清「簡體字」同「簡化字」。
簡化字、簡體字之別 [編輯]
- 簡化字：公佈於中華人民共和國1964年，以1986年修訂嘅《簡化字總表》為準，係中華人民共和國官方之稱，對應住未簡化嘅「繁體字」。
- 簡體字：指史上古已有之、歷代通行而筆簡嘅俗字，有別於簡化字中嘅類推同整理。譬如，「体」字古為「體」嘅俗字。
簡體之優劣 [編輯]
簡體筆簡，故更便於書寫，又擴張文字之用，即溝通；小童無需晒記憶力喺筆繁嘅字度，有助與學童嘅學習。
反對者則以為，簡體不符造字原則，又失漢字之美。
其實，因簡化而合併嘅字，反而造成混亂，增加負擔。某啲字簡化後變得字形相近，致使閱讀時不流暢。
