米線

出自維基百科,自由嘅百科全書
跳去: 定向搵嘢
米線

米線係對一種雲南嘢食嘅稱呼,其他地方出產嘅同樣食品有時都叫米粉,不過做法唔同;有啲時候米線同米粉係唔相同嘅,米線一般較粗,而米粉就較幼。

米線用米製成,長條狀,截面係圓形,色潔白,有韌性,放落熱水煮一陣後撈出,之後放入肉湯中,可以加入蔥花醬油味精辣油肉醬,趁熱食。粉絲同佢類似,不過口感唔同。

著名嘅米線首當其衝係過橋米線。過橋米線起源於雲南蒙自,有百幾年嘅歷史。佢特殊嘅地方在於肉湯同配料:肉湯含有一層厚厚嘅雞油用嚟保溫。肉湯溫度接近滾燙,不過雞油阻止咗蒸汽嘅揮發,所以就咁睇唔出佢滾燙出來。食嗰時將切到好薄嘅豬瘦肉片同打開嘅生鵪鶉蛋放入肉湯,用筷子輕輕攪拌令生食充分燙熟。然後將米線放入肉湯,加入上述嘅其他佐料拌勻食用。