糯米雞

出自維基百科,自由嘅百科全書
跳去: 定向搵嘢
糯米雞
揭開荷葉嘅糯米雞

糯米雞係源自廣東嘅一種點心。製法係用荷葉包住糯米,入面放雞肉叉燒肉、鹹蛋黃、冬菇等餡料。

傳統嘅糯米雞嘅份量唔細,食一個糯米雞已經差唔多係半餐飯量。所以大概1980年代起嘅廣東酒樓推出材料相同,而體積細一半嘅珍珠雞

另一種同糯米雞相似嘅點心係荷葉飯。兩者外形相似,但荷葉飯係以粘米而唔係糯米製成。

相傳糯米雞起源於廣州嘅夜市,最初係以碗冚住蒸熟而成,後來為小販為方便擔挑出售,改用荷葉包住。

另外有傳糯米雞嘅古代製法係以糯米瑤柱蝦乾粒等其他餡料放入去咗骨嘅雞翼度,蒸熟而成。然而,古代製法嘅糯米雞而家重用緊糯米雞翼嘅名喺少數食肆有得賣。

同糭嘅分別[編輯]

糯米雞除咗用荷葉,糭葉包外,重有唔同,糯米雞用荷葉包住,方塊形狀,係用繩紮實,係長條或菱形狀。更主要分別,糯米雞用蒸具蒸熟,糭係用水煮熟嘅。食起來糯米雞嘅米飯較軟綿,糭嘅米飯就硬一啲。另外,糭同糯米雞嘅材料亦有唔同,廣東嘅糭主要用豆、肥豬肉、咸蛋做餡。