銀紙

銀紙，或者叫紙幣、鈔票，係指用軟身嘅嘢（通常係紙）整出嚟嘅錢，由國家出嘅強制使用嘅貨幣符號。銀紙本身冇價值，雖然作為貨幣嘅一種，但佢唔可以直接行使價值尺度職能，而係由國家對佢嘅面值進行定義。同銀仔相比，銀紙面值通常係高啲。

銀紙係當今世界各國普遍使用嘅貨幣。紙幣最早喺中國出現，大宋嘅交子、會子，作為類似今日匯票嘅功能，係銀紙嘅前身。而正式發行廣泛流通嘅銀紙係喺元朝，被稱為鈔，但喺元末至正年間，由於印得太多紙鈔，造成嚴重通貨膨脹（其實喺大宋時期就出現過濫發交子、會子而令佢哋嚴重貶值）。

現時嘅銀紙係要有足夠儲備先至出得，香港銀紙就係用外匯儲備來支持個幣值。由於外匯儲備有一個固定數目，所以銀紙發行量亦受控制，最佳方法就係用一個冧巴去計銀紙嘅發行量，故此銀紙上面會有鈔票冧巴。如果一個地方出得太多而外匯儲備唔足以支持，貨幣就會貶值。另外，鈔票持有人只須將銀紙攞去發鈔銀行，發鈔銀行就有責任畀持有人「憑票即付」等值嘅外匯，所以鈔票冧巴亦係一個統計同埋防偽資料。

睇埋[編輯]

連出去[編輯]

呢篇銀紙係關於經濟嘅楔位文章，重未完成嘅。麻煩你幫手補充佢嘅內容。