綠燈俠

出自維基百科,自由嘅百科全書
跳去: 定向搵嘢
綠燈俠
Greenlanternrebirth6.jpg
出版者 DC漫畫
登場 1940年
作者 Bill Finger
Martin Nodell
資料
真名
聯盟 綠燈軍團
正義聯盟
狀態 {{{態}}}
以前加入過嘅聯盟 {{{前盟}}}
外號 {{{號}}}
親人 {{{親}}}
超能力

綠燈俠Green Lantern)係一班虛構角色,係DC漫畫世界入面嘅一班美國漫畫超級英雄,由Bill Finger創作,Martin Nodell 畫,1940年7月 All-American Comics 第 16 期第一次登場。綠燈俠係一班人,其中最多人識係 Hal Jordan,由 John BroomeGil Kane 創作,喺1959年10月 Showcase 第 22 期第一次出場。

每一個綠燈俠都會有一隻 power ring(暫譯:能量戒指),隻戒指可以根據想像而將能量變成實物。不過隻戒指對於黃色嘅嘢係無效,另外亦要每廿四個鐘補充能量,每個綠燈俠都會有一盞能量提燈(Lantern),當隻戒指能量用晒之後,就帶住隻戒指伸入盞提燈入面就可以補充能量,而提燈嘅能量都喺嚟自 Oa 星。

第一代綠燈俠喺Golden Age(暫譯:黃金時期)由 Alan Scott 開始,佢係通過 Guardians(暫譯:守衛者)挑選成為綠燈俠。Guardians係宇宙第一種出現嘅高智慧生物,佢哋以Oa 星作為總部,將全宇宙劃分爲 3600 個磁區(Sector),然後喺唔同星球再揀啱嘅生物加入綠燈軍團Green Lantern Corps),綠燈軍團喺全宇宙大約有 7200 個成員。

第二次世界大戰之後,美國漫畫市道下滑,DC 漫畫為咗救市,推出全新綠燈俠漫畫「adventures of the Alan Scott Green Lantern」,呢個時候美國漫畫業進入一個 Silver Age(暫譯:白銀時期),DC 嘅編輯搵咗編劇 Broome 同漫畫家 Kane 將綠燈俠重新設計成一個全新嘅角色──美國空軍試飛員 Hal Jordan,同時亦係正義聯盟Justice League)創辦人之一,20世紀70年代早期,同另一套漫畫 Green Arrow 打破咗美國漫畫市道下滑嘅悶局,之後推出一系列綠燈俠漫畫,包括幾個綠燈俠地球代表嘅故事系列,其中最有代表性嘅綠燈俠分別係 John StewartGuy GardnerKyle Rayner

每一個綠燈俠都係正義聯盟嘅成員,其中 John Stewart 喺正義聯盟系列入面重係主要角色。

黃金時期[編輯]

Alan Scott[編輯]

第一個係漫畫出現嘅綠燈俠由Alan Scott開始。Alan Scott 係一個工程師,突然有日個天跌咗好多神秘綠色隕石落地球,其中一粒跌正喺 Alan Scott 手上,之後突然有一道火光同佢講嘢,叫佢將呢啲綠石整成戒指,又教佢點樣運用呢啲石擁有嘅神奇力量,佢學識之後就用呢啲力量去保衛紐約市。Alan Scott 同時又係 Justice Society of America(暫譯:美國正義社團)創辦人之一,兼綠燈軍團榮譽成員。

白銀時期[編輯]

Hal Jordan[編輯]

第二代綠燈俠由 Harold "Hal" Jordan 開始,Hal Jordan 亦係最受歡迎同最多人識嘅綠燈俠,佢係一個美國空軍試飛員嘅仔,大個之後同老豆一樣成為美國空軍試飛員,有一次有一架太空船意外跌咗落地球,太空船上面有一個外星人叫做 Abin Sur,佢就想喺地球上搵一個誠實又無畏無懼嘅人去承繼自己嘅能量戒指Hal Jordan 就係因為咁得到咗能量戒指而成為綠燈俠。Hal Jordan 同時亦係正義聯盟嘅創辦人之一,佢同另一個綠燈俠 John Stewart 都係喺正義聯盟入面最活躍嘅地球成員。

喺Green Lantern: Rebirth 入面,因為一個綠燈俠 Sinestro將囚禁喺綠燈聯盟中心嘅Parallax釋放咗出嚟,Parallax係一種黃色力量(yellow impurity),佢可以令綠燈力量反常,hal jordan因為佢家鄉coast city被摧毀而情緒低落,Parallax 就因為咁而入侵hal jordan,佢因為咁而入魔,正式嚟講應該係畀Parallax霸咗佢肉身,最後得到Ganthet幫助由邪變返正。

喺短篇the final night入面,hal jordan為咗拯救太陽而犧牲。但因為佢太受歡迎,佢嘅死後來因為畀讀者投訴,結果以鬼魂方式重新加入故事,而喺《Green Lantern》176期重令佢肉體復活,做返正式綠燈俠。

青銅時期[編輯]

Guy Gardner[編輯]

Guy GardnerAbin Sur選擇2814區綠燈俠接班人時嘅第二選擇,後來因為 Oa 星啱啱畀反物質能量攻擊,佢就得到戒指成為綠燈俠幫手反擊,不過佢衝動同魯莽嘅性格經常搞亂檔,亦係佢唔可以正式成為綠燈俠,只可做後備綠燈俠嘅原因。之後地球發生時空錯亂Crisis on Infinite Earths,分咗兩個地球出嚟,根住佢就無啦啦成為咗正式綠燈俠。

John Stewart[編輯]

John Stewart 原本係一個失業建築師,後來畀 Guardians 挑選用嚟代替 Guy Gardner 作為 Hal Jordan綠燈軍團嘅後備成員,直到 2000年 佢成為綠燈軍團正式成員。

喺 Cosmic Odyssey 漫畫入面,佢曾經喺一次任務入面因為錯誤判斷而意外摧毀咗 Xanshi 星球,呢次失誤令佢幾乎想自殺,亦令 Xanshi 星球唯一生環者 Fatality 開始視綠燈軍團係仇人專同佢哋作對。

現代時期[編輯]

Kyle Rayner[編輯]

Kyle Rayner,係一個打散工嘅美工,佢自細就喺各方面都好卓越,由讀書到運動,樣樣都第一,重成日拎好多獎學金。佢係畀Guardians揀咗做綠燈俠,之後佢一直表現自己希望畀人覺得佢係叻過Hal Jordan,佢唔單止控制到Parallax,重將佢轉化成Ion成為佢戒指嘅能量,令佢隻戒指係所有戒指中最勁,同時亦令佢成為所有綠燈俠之中最勁一個,令佢有 The Torch Bearer (暫譯:接班人)呢個外號。

佢第一次出場係喺:《綠燈俠》Vol. 3 第48期(1994年1月),而第一次以綠燈俠身份出現喺:《綠燈俠》Vol. 3 第50期(1994年3月

Jade[編輯]

能量戒指能力[編輯]

綠燈俠嘅能量戒指強度嚟自使用者嘅意志力,使用者嘅意志力愈強,使用者嘅能量就愈強。

  • 製造綠色嘅堅固能量體
  1. 可以用嚟攻擊
  2. 可以用嚟擋人攻擊(製造力場、製造精神隔牆去防止俾人控制同阻止心靈溝通)
  3. 可以用嚟捉住敵人
  • 喺宇宙飛行
  • 各級嘅精神能力
  1. 心靈感應
  2. 催眠
  3. 令人進入假死狀態
  • 加快自愈速度

其他能量戒指[編輯]

紅色能量戒指[編輯]

  • 強度嚟自憤怒

橙色能量戒指[編輯]

  • 強度嚟自貪念

黃色能量戒指[編輯]

  • 強度嚟自恐懼

綠色能量戒指[編輯]

  • 強度嚟自意志

藍色能量戒指[編輯]

  • 強度嚟自希望

紫色能量戒指[編輯]

  • 強度嚟自同情

粉紅色能量戒指[編輯]

  • 強度嚟自愛

黑色能量戒指[編輯]

  • 強度嚟自死亡

白色能量戒指[編輯]

  • 強度嚟自生命

參考[編輯]