維多利亞壹號
《維多利亞壹號》（英文片名：Dream Home）係852電影公司首套港產片，2010年5月首影，由彭浩翔導演，陳子聰、何超儀、梁啟緣監製，由何超儀、陳奕迅主演，鮑起靜、曾國祥、葉璇、周俊偉、麥浚龍、徐少強、盧海鵬、單立文、駱應鈞參演。
《維多利亞壹號》備受國際關注，入圍多個歐美電影節，分別成為意大利烏甸尼斯遠東電影節嘅開幕影片、荷蘭阿姆斯特丹CinemAsia電影節嘅開幕影片，更入圍美國Tribeca電影節、悉尼國際電影節等。
簡介[編輯]
女主角（鄭麗嫦）細個嗰時住好窄嘅唐樓，好想快啲大個，之後賺錢，買屋畀屋企人住。點知自己間舊樓俾發展商拆咗，起豪宅 - 維多利亞壹號。鄭麗嫦希望買返間，所以佢搏命打工，做埋兼職，甚至偷公司資料賣畀人，好辛苦先賺到首期，落訂，點知2007年，香港樓市急升，對方業主撻佢訂兼封盤。鄭麗嫦從此知道，努力賺錢都唔可以上到車。鄭麗嫦把心一橫，報仇連環殺人。