緬甸蟒蛇
 | ||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||
| 物種分類 | ||||||||||||||||||||
| ||||||||||||||||||||
| Python molurus bivittatus Kuhl, 1820 |
緬甸蟒蛇，又叫緬甸岩蟒，係亞洲岩蟒兩個亞種之一，係顏色深啲，分佈大啲嘅蟒蛇。顏色黃或灰，重有唔規則嘅啡色鞍形花紋，好鬼易認得出嚟。紀錄中最大一條有成 6 米長。
分佈[編輯]
亞洲南部。棲息響低地、大草原、濕地。響樹林地區比較活躍。緬甸品種主要分佈喺緬甸，泰國，中國南部同越南。另一品種：印度蟒蛇，分佈響印度同斯里蘭卡。
食啲乜[編輯]
香港自然界裏面好重要嘅捕獵者，細條嗰陣會捉老鼠嚟食，大條時就會捉啲大啲嘅獵物，好似野豬仔，赤麂咁。記錄中至少有過一條成年緬甸蟒蛇吞咗成隻牛仔，1982年10月香港嘅電視台影到一條緬甸蟒蛇吐返隻吞咗嘅牛仔出嚟。佢哋冇毒，但係啲肌肉收縮力好強，箍死獵物。
若果冇咗蟒蛇存在，會令到獵物種群嘅大細突然失去平衡。
保育狀況[編輯]
現時，蟒蛇面臨嘅威脅包括棲境遭破壞同人類捕獵（用嚟做皮革），以及響東南亞等分佈區內嘅俾人亂殺。香港1976年立法保護緬甸蟒蛇，唔畀捕殺。
蟒蛇脾性唔差，響香港以外地區，唔少動物園會將佢哋當展品。香港動植物公園，嘉道理農場暨植物園而家都有緬甸蟒蛇展出。另外，亦有私人飼養個別品種，或白色變種。響一啲國家，有人會亂咁放生緬甸蟒蛇，嚴重威脅當地嘅生態系統。
睇埋[編輯]
資料來源[編輯]
- 《香港生態情報》，ISBN 962-04-2386-0
- 《兩生爬行類圖鑑》，ISBN 957-469-519-0
- 《科學月刊》，2001年5月號
- 《香港的兩棲類和爬行類》，1988年
- 香港動植物公園緬甸蟒蛇介紹
 |