羅定

出自維基百科,自由嘅百科全書

羅定中國廣東。家下係雲浮市下便一個縣級市,叫羅定市

佢喺廣東省西部,西江之南,東有云霧山脈,西有云開山脈,南接高雷,西通桂、黔、滇,係西江走廊嘅交通要衝,自古被視為門庭防衛,撫綏重地。

地理[編輯]

羅定地處北緯22°25′11″~22°57′34″,東經111°03′08″~111°52′44″,位於廣東省西部。東邊係雲浮市雲安區,東南陽江市陽春市,西南靠廣東茂名市信宜市,東北連廣東雲浮市鬱南縣,西部同廣西岑溪市交界,係廣東出入大西南地區嘅一個重要門戶,曾經係廣東鎮守嶺西南嘅一個軍事重鎮,史稱「撫綏重地,門庭巨防」。

[編輯]

大元嗰陣,羅定原本係德慶路下便嘅瀧水[1]

大明洪武元年個縣歸德慶州[1]萬曆五年五月(1577年6月5號),個縣升為羅定州,直隸布政司[1]。萬曆七年,佢之下置瀧水新寧從化三個千戶所[1]。羅定有兩個縣,叫東安縣同西寧縣。

大清嗰陣,羅定跟明制,係個直隸州,叫羅定直隸州[2]。有兩個縣,東安縣同西寧縣。個州歸廣肇羅道

1914年,民國三年,東安縣改名雲浮縣。

1958年,羅定同鬱南縣合併,改名羅南縣。1960年,羅南縣改名羅定縣。又到1962年,羅定縣分出羅定同鬱南縣,恢復以前嘅鬱南縣同羅定縣。

1993年4月8號,羅定縣經中央批復,升級為羅定市(縣級市),廣東省直轄,肇慶市代管。原羅定縣為羅定市行政區域,政府內部設置無變化。

1994年4月5號,中央批復同意調整肇慶市行政區域,將肇慶市嘅羅定市、雲浮市(縣級市)、新興縣、鬱南縣分出,另外成立新嘅地級市——雲浮市,批復中講明講肇慶市嘅雲浮市、新興縣、鬱南縣併入新設嘅雲浮地級市,雲浮市地級市人民政府駐地設喺新設嘅雲浮市雲城區。羅定縣級市由省管轄。

1994年4月28號,廣東省人民政府委託雲浮市代管縣級羅定市。(呢度存在爭議,中央批復羅定應該由省直接管轄,廣東省話羅定市直接併入雲浮市,而中央政府並無任何文件支持羅定市併入雲浮市,從而導致今日嘅羅定市民並無認同雲浮市。)

2012年開始,羅定市被廣東省人民政府定為廣東省第二批省直管縣財政試點城市,羅定市第一次從財政上回歸廣東省直轄。羅定市下一步講爭取行政上一齊回歸省直轄。

2012年,羅定市第一條高速公路(雲羅高速)建成通車(設雙東出口)。2013年,羅定第二條高速公路通車(羅岑省界高速)(設附城、榃濱出口),羅定至陽江嘅高速公路將會喺2016年嘅國慶節通車(設圍底、羅平、朗塘出口)。深圳至羅定高速會喺2017年建成通車,到時羅定落深圳嘅時間將縮短到兩個半鐘,設沖花、華石出口,從此,羅定嘅東、南、西、北位都會有高速公路出入口。

2016年,羅定嘅全國人民代表建議廣州至湛江高速鐵路途經羅定並設羅定站。

政區[編輯]

截至2012年6月30號,羅定市轄4個街道、17個鎮:羅城街道、素龍街道、附城街道、雙東街道、羅鏡鎮、太平鎮、分界鎮、羅平鎮、船步鎮、兩塘鎮、蘋塘鎮、金雞鎮、圍底鎮、華石鎮、榃濱鎮、黎少鎮、生江鎮、連州鎮、泗綸鎮、加益鎮、龍灣鎮[3]

[編輯]

  1. 1.0 1.1 1.2 1.3 明史。志、地理、福建廣東廣西
  2. 清史稿。志、地理、廣東
  3. . 原著喺2008年6月10號歸檔. 喺2008年6月30號搵到.

出面網頁[編輯]