美斯
 |
|||
| 個人資料 | |||
|---|---|---|---|
| 羅馬字全名 | Lionel Andrés Messi | ||
| 花名 | 新馬勒當拿、球王 | ||
| 生日 | 1987年6月24號（25歲） | ||
| 出生地 | 阿根廷羅沙里奧 | ||
| 位置 | 前鋒/翼鋒/中場 | ||
| 球會資料 | |||
| 而家效力 | 巴塞隆拿 | ||
| 波衫號碼 | 10 | ||
| 青年軍 | |||
| 年 | 球會 | ||
| 1995–2000 | 紐維爾舊生 | ||
| 2000–2004 | 巴塞隆拿 | ||
| 球會 | |||
| 年 | 球會 | 上陣 | （入波） |
| 2004–2005 | 巴塞隆拿B隊 | 22 | （6 ） |
| 2004– | 巴塞隆拿 | 232 | （196 ） |
| 代表隊 | |||
| 年 | 代表隊 | 上陣 | （入波） |
| 2005 | 阿根廷 U20 | 18 | （14 ） |
| 2008 | 阿根廷 U23 | 5 | （2 ） |
| 2005– | 阿根廷 | 76 | （31 ） |
美斯（Lionel Andrés Messi，1987年6月24號—）係阿根廷足球員，打西班牙甲組足球聯賽班霸巴塞隆拿足球會。效力期間，美斯喺2008-2011球季嬴得唔少獎項，當中有三次西甲冠軍，一次國王盃冠軍同埋兩次歐洲聯賽冠軍盃冠軍。
美斯喺阿根廷羅沙里奧出世，當時年紀細細嘅佢係畀嫲嫲帶去足球場，自此美斯就愛上咗足球，並加入紐維爾舊生隊青年軍。到十一歲嗰陣，美斯被診斷有生長荷爾蒙缺乏病。阿根廷甲組聯賽球會河床嘅球探曾經賞識美斯球技，但得知美斯患有呢個病，球會冇打算將投資放喺佢身上，去醫佢個病。冇幾耐，美斯屋企人帶佢到西班牙巴塞隆拿試腳，最後加入巴塞隆拿青年隊，球會亦願意支付美斯嘅醫療費用。美斯係喺代表阿根廷青年軍期間成名。嗰陣時佢打世青盃，獲得神射手同埋贏咗世青盃冠軍。到2006年FIFA世界盃美斯決定唔代表西班牙足球代表隊而代表佢嘅祖國阿根廷。佢喺世界盃分組賽第二場後備入替就取得入球，技驚四座。
奪冠之後巴塞隆拿開始重用美斯，成為球會核心球員。
美斯係第一個四奪世界足球先生嘅足球員，而且係第一個連續四屆（2009年—2012年）贏到嗰個獎嘅足球員。
目錄 |
個人生活[編輯]
喺2012年11月2號，美斯嘅女朋友同佢生咗個仔，叫泰亞高美斯（Thiago Messi）。
慈善[編輯]
2007年，美斯成立咗里奧美斯基金會，一個慈善機構為弱勢兒童提供教育同衛生保健。由於美斯自己童年遇上咗醫療困難，在美斯基金會已經為確診疾病嘅阿根廷兒童提供咗往西班牙治療，當中交通費、醫院同療養嘅費用由基金會畀。美斯嘅係由佢自己嘅籌款活動支持。
2010年3月11號，美斯被宣布為聯合國兒童基金會嘅親善大使。美斯嘅聯合國兒童基金會大使活動旨在支持兒童權益。同聯合國兒童基金會合作嘅巴塞隆拿亦都支持。
佢同紐維爾舊生結束咗長期嘅公開仇隙。美斯出資為紐維爾舊生嘅青訓營喺球場入面起咗一間宿舍，以及為球會起咗一個新嘅體育館。因此，紐維爾已經開始同美斯有更多接觸，並計劃發出一個特殊球會會員卡畀泰亞高美斯。
職業生涯數據[編輯]
巴塞隆拿[編輯]
| 球會 | 球季 | 西甲 | 盃賽[1] | 洲內賽事[2] | 世界冠軍球會盃 | 總計 | ||||||||||
|---|---|---|---|---|---|---|---|---|---|---|---|---|---|---|---|---|
| 出場 | 入波 | 助攻 | 出場 | 入波 | 助攻 | 出場 | 入波 | 助攻 | 出場 | 入波 | 助攻 | 出場 | 入波 | 助攻 | ||
| 巴塞隆拿 | 2004-05 | 7 | 1 | 0 | 1 | 0 | 0 | 1 | 0 | 0 | - | - | - | 9 | 1 | 0 |
| 2005-06 | 17 | 6 | 3 | 2 | 1 | 0 | 6 | 1 | 1 | - | - | - | 25 | 8 | 4 | |
| 2006-07 | 26 | 14 | 2 | 4 | 2 | 1 | 6 | 1 | 0 | 0 | 0 | 0 | 36 | 17 | 3 | |
| 2007-08 | 28 | 10 | 12 | 3 | 0 | 0 | 9 | 6 | 1 | - | - | - | 40 | 16 | 13 | |
| 2008-09 | 31 | 23 | 11 | 8 | 6 | 2 | 12 | 9 | 5 | - | - | - | 51 | 38 | 18 | |
| 2009-10 | 35 | 34 | 10 | 4 | 3 | 0 | 12 | 8 | 1 | 2 | 2 | 0 | 53 | 47 | 12 | |
| 2010-11 | 33 | 31 | 18 | 9 | 10 | 3 | 12 | 12 | 3 | - | - | - | 55 | 53 | 24 | |
| 2011-12 | 37 | 50 | 15 | 9 | 6 | 6 | 12 | 15 | 6 | 2 | 2 | 1 | 60 | 73 | 28 | |
| 2012-13 | 18 | 27 | 6 | 3 | 4 | 0 | 6 | 5 | 2 | - | - | - | 27 | 36 | 8 | |
| 生涯總計 | 232 | 196 | 77 | 43 | 32 | 12 | 76 | 57 | 19 | 4 | 4 | 1 | 356 | 289 | 109 | |
國家隊[編輯]
| 國家隊 | 球季 | 出場 | 入球 |
|---|---|---|---|
| 阿根廷U20 | 2004 | 2 | 3 |
| 2005 | 16 | 11 | |
| 總計 | 18 | 14 | |
| 阿根廷U23 | 2008 | 5 | 2 |
| 總計 | 5 | 2 | |
| 阿根廷 | 2005 | 5 | 0 |
| 2006 | 7 | 2 | |
| 2007 | 14 | 6 | |
| 2008 | 8 | 2 | |
| 2009 | 10 | 3 | |
| 2010 | 10 | 2 | |
| 2011 | 13 | 4 | |
| 2012 | 9 | 12 | |
| 總計 | 76 | 31 | |
榮譽[編輯]
巴塞隆拿[編輯]
2009年，美斯同巴塞隆拿共同加冕六冠王頭銜，為球會所能贏得嘅最高榮耀。
- 西班牙甲組足球聯賽冠軍：04-05球季，05-06球季，08-09球季，09-10球季，10-11球季
- 西班牙國王盃冠軍：08-09球季，11-12球季
- 歐洲聯賽冠軍盃冠軍：05-06球季，08-09球季，10-11球季
- 西班牙超級盃冠軍：04-05球季，05-06球季，08-09球季，09-10球季，10-11球季
- 歐洲超級盃冠軍：2009年，2011年
- 世界冠軍球會盃冠軍：2009年，2011年
阿根廷國家隊[編輯]
- 世界青年足球錦標賽冠軍：2005年
- 2008年夏季奧林匹克運動會男足金牌
個人[編輯]
2009年12月1日「法國足球」正式宣布美斯為2009年金球獎得主，並且以473分嘅得分成為金球獎歷史最高得分者。國際足聯「世界足球先生」一樣俾美斯奪得，佢以1,073分嘅絕對優勢獲取呢個獎，喺蘇黎世加冕雙料足球先生，完成2009年嘅個人超級大滿貫，佢亦係首位奪得這呢個頭銜嘅阿根廷人。首屆國際足協金球獎（由世界足球先生同金球獎兩者合併而成）喺2011年1月頒畀美斯，2012年美斯再次贏得同一獎項，連續三年企喺足球世界嘅頂峰。
- 世界足球先生：2009年
- 世界足球先生第二名：2007年，2008年
- 國際足聯金球獎：2010年，2011年，2012年
- 金球獎：2009年
- 歐洲足協年度最佳陣容：2008年，2009年，2010年，2011年
- 國際足協年度最佳陣容：2007年,2008年，2009年，2010年，2011年，2012年
- 歐洲聯賽冠軍盃最佳射手：08-09球季，09-10球季，10-11球季
- 歐洲聯賽冠軍盃最佳球員：08-09球季
- 歐洲金靴獎：2010年，2012年
- 歐洲球隊最佳陣容：2008年，2009年，2010年，2011年
- 世界冠軍球會盃金球獎：2009年
- 歐洲足球先生：2011年
- 歐洲金童獎：2005年
- LFP Awards西甲最佳球員：2009年，2010年，2011年，2012年
- LFP Awards西甲最佳前鋒：2009年，2010年，2011年，2012年
- LFP Awards西甲最佳外援：2007年，2009年，2010年
- 西班牙國王盃最佳射手：10-11球季
- FIFA U-20世青盃最佳球員：2005年
- FIFA U-20世青盃最佳射手：2005年
- 拉丁美洲最佳球員：2011年
個人及球會紀錄[編輯]
美斯喺9年職業生涯中破咗無數紀錄，當中有啲紀錄重繼續刷新緊。
全球[編輯]
歐洲[編輯]
- 單季最多入球（球會）：73球
- 年內最多入球（球會）：79球
- 單季入歐洲賽事最多入球：14球（同何塞·阿爾塔菲尼共同獲得）
- 獲得歐洲賽事最佳射手最多次數：4次（同梅拿共同獲得）
- 單場最多入球：5球（同其他10名球員共同獲得）
阿根廷[編輯]
- 年內最多入球（國家隊）：12球（同巴達斯圖達共同獲得）
西班牙[編輯]
- 西甲單季最多入球：50球
- 西甲單季最多連入三球次數：8次
- 西班牙超級盃最多入球：10球
- 西甲賽事連續入球數次：10次（同朗拿度共同獲得）
巴塞隆拿[編輯]
- 正式比賽最多入球：289球
- 西甲最多入球：196球
- 歐聯最多入球：56球
- 歐洲賽事最多入球：57球
- 國際賽事最多入球：61球
- 所有賽事連入三球合共嘅入球：21球
- 西甲賽事連入三球合共嘅入球：15球
- 單場攻入三球最快時間：17分鐘
評價[編輯]
體育界[編輯]
- 科比（澳洲泳手）：「我非常鍾意足球，如果你見到美斯希望你可以幫我向佢問好。」
- 真路比利（NBA球員）：「我希望能夠成為籃球界嘅美斯。」
- 加素（NBA球員）：「雖然美斯嘅身高比我矮得多，但我都鍾意佢。」
- 拿度（網球員〕：「佢係我嘅足球偶像。」
- 布里亞托雷（雷諾車隊老闆）：「喺F1中能夠同馬勒當拿比較嘅只有冼拿。舒麥加係另一個境界，可以同雲巴士頓相比。阿朗素就係美斯，因為佢哋從來都唔會犯太多錯誤。」
足球[編輯]
- 莫拉堤：「當美斯重喺一個小朋友個陣，我就好鍾意佢，我知道佢會爆發嘅。佢係我嘅目標？佢係所有人目標。佢係一位大師級嘅球員。」
- 馬勒當拿個女：「我認為，美斯係唯一一個有可能超越我爸爸（馬勒當拿）同比利嘅球員。」
- 《米蘭體育報》：「唔能夠話呢種球員係我哋需要嘅——佢喺每隊球隊當中都係夢寐以求嘅球員。」
- 德國《踢球者》：「身體瘦弱，呢種球員很明顯係唔適合喺德甲踢波，但唔係因為呢個原因，而係德甲對佢嚟講，水平未夠。」
- 英國《442》：「佢喺呢個年齡階段能夠畀一班成名咗好多年嘅前輩保持90分鐘壓力！」
- 《法國足球》：「佢係新嘅王者，未來幾年就會成為事實。」
- 雲加：「擁有心理質素、謙卑、渴望比賽以及幫助球隊嘅良好特質，雖然佢經常被對手侵犯，但佢從來冇一啲過激嘅反應。當你睇到佢嘅入球數字，你值得為佢跪低，呢個係非常出色嘅記錄。」
- 雲加：「佢係PlayStation嘅玩家。」
- 朗拿度：「現今世上最佳球員 - 美斯。佢係一個天才，經常有好多入球。」
- 施丹：「美斯係球隊嘅主導者。當球係腳下時，佢永不會退後，唔會傳球，唯一想嘅就係入波。」
- 比利：「世上只有一個最好球員，係呢一刻係屬於美斯。」
- 費高：「我認為美斯係近年世上最好嘅球員，佢係各方面都令欣賞足球嘅人士印象深刻，而且每星期日睇佢踢波係一件美好嘅事。」
- 伊度奧：「如果你話問個係世上個人最佳，毫無疑問係美斯，佢值得成為世上第一。」
- 古華特：「美斯係球場上動作好快，經常保持入波，同時都會為隊友創造機會入波。」
- 哥迪奧拿：「唔好試圖去描述美斯，呢個喺不可能完成嘅任務，認真去欣賞啦。」
- 維蘭路華：「我唔認為可以再次見到佢呢類球員，他喺來自地球以外地方。」
註[編輯]
出面網頁[編輯]
- - Messi-Web - The Website of Messi （西班牙文） （英文）
- Lionel Messi Blog
- Lionel Messi, un futuro crack （西班牙文）
|
|||||||||||||||||||||
