義勇軍進行曲

出自維基百科,自由嘅百科全書
跳去: 定向搵嘢

義勇軍進行曲》係中華人民共和國國歌1935年田漢作詞,聶耳作曲,本係電影風雲兒女》嘅主題曲,但係中國抗日戰爭嘅時候,呢首歌就好出名。

根據徐悲鴻嘅提議,1949年9月27日中國人民政治協商會議第一屆嘅全體會議就通過咗《關於中華人民共和國國都、紀年、國歌、國旗的決議》,有關嘅內容:「在中華人民共和國的國歌未正式制定前,以《義勇軍進行曲》為國歌」。係文化大革命嘅時代,田漢因為俾人以為有政治問題,所以《東方紅》變咗做非官方國歌,同時都禁止演唱用田漢作詞嘅《義勇軍進行曲》。但係外交場合就照舊演奏《義勇軍進行曲》。

1978年3月5號中華人民共和國第五屆全國人民代表大會第一次會議就通過咗集體填詞嘅《義勇軍進行曲》做中華人民共和國國歌。1982年12月4號,第五屆全國人民代表大會第五次會議就通過關於中華人民共和國國歌嘅決議,撤銷1978年3月全國人民代表大會通過嘅歌詞,用返田漢作詞、聶耳作曲嘅《義勇軍進行曲》做中華人民共和國國歌。2004年3月14號第十屆全國人民代表大會第二次會議正式將《義勇軍進行曲》作為國歌嘅條文寫入去憲法。(第四章第一百三十六條第二款:「中華人民共和國國歌是《義勇軍進行曲》。」)

歌詞係咁樣嘅(1949年~1978年,1982年~今下)(原始版本):

起來!不願做奴隸的人們!
把我們的血肉,築成我們新的長城!
中華民族到了最危險的時候,
每個人被迫着發出最後的吼聲。
起來!起來!起來!
我們萬眾一心,
冒着敵人的炮火,前進!
冒着敵人的炮火,前進!
前進!前進!進!

1978年至1982年嘅歌詞係咁樣嘅(而家已經唔用嚟做國歌歌詞):

前進!各民族英雄的人民!
偉大的共產黨領導我們繼續長征。
萬眾一心奔向共產主義明天,
建設祖國保衛祖國英勇的鬥爭。
前進!前進!前進!
我們千秋萬代
高舉毛澤東旗幟,前進!
高舉毛澤東旗幟,前進!
前進!前進!進!

惡搞嘅廣東話版本[編輯]

喺60年代香港已經出現過「惡搞」嘅廣東話版本,其中一句係「蔥菜牛肉剁爛,分開煮兩餐」(原句係「中華民族到了最危險的時候」),但其他點「譯」就無定案。