老夫子

出自維基百科,自由嘅百科全書
跳去: 定向搵嘢

老夫子(英文名:Old Master Q)可以指兩種作品:

第一種係王澤嘅《老夫子》(1962年出版)。佢係一套係華人地區好出名嘅漫畫1962年王澤(原名王家禧)開始用「長子」[1]為筆名響香港出版《老夫子》。王澤嘅老夫子漫畫裏面主角有:老夫子、大番薯、秦先生、老趙、陳小姐。王澤嘅「老夫子」同「大番薯」同朋弟嘅好相似,但係,王澤畫嘅老夫子亦加入唔少佢嘅個人風格同創意。

第二種指朋弟(原名馮棣)嘅《老夫子》(1930年代出版)。係一套內地三十年代嘅著名漫畫作品,當時渠喺報章發表《老夫子》、《老白薯》等漫畫,其人物造型同埋性格同王澤嘅《老夫子》好似,王澤畀人話抄原著。

呢篇文章主要講王澤嘅《老夫子》。

原本嘅老夫子漫畫係喺1937年1943年之間由朋弟原創,而且刊登喺北京天津一帶嘅報紙上面,喺嗰啲地方好流行,亦曾經喺1940年嗰陣刊印單行本。

1962年起,王澤開始喺香港出版《老夫子》。王澤嘅老夫子漫畫裏面有呢啲主要角色:老夫子、大番薯、秦先生、老趙、陳小姐。王澤嘅「老夫子」同朋弟嘅好相似,但係,王澤畫嘅老夫子亦加入唔少佢嘅個人風格同創意。

王澤畫嘅《老夫子》出版之後,大受歡迎,老夫子同其他啲主要角色亦成為今日華人所熟識、家傳戶曉嘅漫畫人物。

內容特色[編輯]

王澤嘅老夫子漫畫裏面嘅角色有時會反映嗰陣時嘅社會近況,包括喺街上面嘅乞兒、政府高官到演員或者古代武士。有時情節會發生喺啲古怪嘅場景入面,好似遇到外國人、撞鬼、去到未來世界。

當老夫子漫畫為讀者帶嚟幽默嘅同時,佢反映咗當時社會環境(特別喺 1960-1980年代)嘅轉變。內容有時會帶出近期嘅社會問題,好似貧富懸殊、偷嘢、黑社會等等。佢嘅漫畫有時亦會嘲諷時裝搖滾樂呢啲嘅藝術。(有時係漫畫入面嘅老夫子會「教訓」個啲著得「不倫不類」嘅人。)

喺一啲罕見嘅情況下,老夫子漫畫會好嚴肅咁表達對 1960 -1980年代間香港喺政治上嘅轉變同埋意見,佢亦都會批評喺思想上過度親西方嘅中國人。而喺1984年簽署嘅中英聯合聲明亦都成為其中一個主題。由80年代尾至90年代初更加有部份漫畫角色喺漫畫中表現出對九七回歸嘅恐懼。有部分結尾內容更加直接或者間接抨擊中國政府。

其他媒體中嘅老夫子[編輯]

電影[編輯]

老夫子漫畫曾經拍做廣東話國語嘅卡通電影,其中一部更加用埋電腦繪圖技術,同真實嘅演員一齊「演出」。

有好多香港出名嘅明星都有參與:

演員:雪妮、高魯泉、沈殿霞、矮冬瓜、紅薇、陳寶珠、薛家燕、西瓜刨、朱由高、羅蘭、李菁、劉陸華、芬妮、謝霆鋒、張柏芝

配音演員:曾志偉、杜汶澤、余宜發、利嘉兒、楊天經

老夫子電影一覽[編輯]

(按時間排序)(注意呢個係非官方譯名)

  1. 老夫子 黑白片1965年8月3號
  2. 老夫子 同大番薯 黑白片1965年5月10號
  3. 老夫子三救傻瓜明 黑白片1966年7月13號
  4. 老夫子1975年3月8號
  5. 我係老夫子1976年10月2號
  6. 老夫子奇趣歷險1978年11月18號
  7. 七彩卡通老夫子 卡通1981年7月16號
  8. 老夫子《水虎傳》 卡通1982年7月10號
  9. 山T老夫子 卡通1983年8月4號
  10. 老夫子20012001年4月5號
  11. 老夫子:反斗偵探 卡通2003年12月20號
  12. 無敵老夫子新傳:少林偵探社2005年
  13. 老夫子---魔界歷險記-分一至二輯(21世紀
  14. 老夫子之小水虎傳奇卡通(2011年1月27日)

王澤嘅「老夫子」抄襲爭議[編輯]

好早之前,早有唔少中國大陸畫家同讀者揭發《老夫子》嘅原創其實係朋弟,質疑王澤先生有剽竊之嫌,但一直都無有受到廣泛嘅關注。直至2001年,一位文化名人馮驥才先生出版咗一本名為《文化發掘老夫子出土──為朋弟抱打唔平》嘅書,指證王澤嘅《老夫子》係抄襲自內地已故漫畫家朋弟嘅《老夫子》,自呢受到社會廣泛關注。

2001年5月9號,《中華讀書報》發表謝其章嘅文章《警惕漫壇扒手》,指王澤「老夫子」系列漫畫抄自朋弟作品。呢前,姜德明馮驥才等已在媒體上公開呢事,重為朋弟抱打唔平。

馮驥才先生所指嘅朋弟1907年-1983年),原名為馮棣。朋弟所創漫畫在1930年代北京天津開始出版,裏面嘅角色跟王澤老夫子嘅外形,性格相同。天津作家馮驥才在2001年出版咗一本包含朋弟作品嘅書,呢書有好多朋弟同王澤作品嘅相似之處。

馮驥才為咗證明王澤嘅《老夫子》係抄襲嘅,佢在各地進行大量嘅搜尋,目嘅係要找回朋弟所有嘅原版原作,讓讀者印證呢事。唔過,呢個搜尋過程非常艱苦,好多朋弟嘅原版原作都好難找到,直到今年春天,馮驥才在自己嘅畫展上為觀眾同讀者簽名時,忽然有一藏書家送給佢一個紙包內裏就係藏咗三本朋弟原版原作,其中兩本正係第一集同第二集嘅《老夫子》。其後呢位藏書家再送給佢一本《老白薯》,說呢本係呢位藏書家 在逛書攤時偶然遇到嘅。

西苑出版社都特地為朋弟嘅原著作品重新出版,使朋弟先生平生所創造嘅三個漫畫人物——老夫子、老白薯、阿摩林——再現人間。原書《老夫子》為32開本白報紙本,文字豎排,黑色單版,彩色封面,係中國最早嘅大眾漫畫書嘅形態。而呢次西苑出版社為咗保持原書嘅歷史真實,新版朋弟漫畫叢書5種8冊,一律按照原版嘅版式,封面嘅顏色都保持呢種褪色嘅感覺。內容唔刪唔減,跟足歷史。

爭論內文[編輯]

朋弟生於1907年四川王澤生於1924年天津。 朋弟後來到天津工作,重發表《老夫子》、《老白薯》等漫畫。直到50年代,在中國大陸嘅京津一帶,仍然可以找到《老夫子》等漫畫。可見其作品流傳甚廣。 發表《老夫子》時,朋弟同王澤在同一個城市生活。當時王澤正值十多歲嘅小伙子,愛好繪畫。後來王澤於60年代到香港發表同名漫畫《老夫子》,重稱老夫子呢個漫畫人物係佢創造出來。曾經有人問王澤:「認唔認識朋弟?」王澤說:「認識認識,好熟。」朋弟係一個畫家。最出名嘅作品正係《老夫子》。王澤唔只認識朋弟,還同朋弟好熟。換言之,王澤係知道漫畫《老夫子》中嘅老夫子係由朋弟所原創。但王澤發行於香港嘅《老夫子》,從來隻字未提到朋弟及其所畫嘅《老夫子》。但兩本漫畫中嘅老夫子性格及形象極似,有抄襲之嫌。

馮驥才斷言王澤確實抄襲咗朋弟嘅《老夫子》,因為唔論係人物造型或性格設計,王澤嘅「老夫子」同「大番薯」同朋弟「老夫子」同「老白薯」等所獨創嘅漫畫人物幾乎一模一樣,連名字「老夫子」都係人家朋弟先用嘅,呢未免過於巧合。

王澤嘅「老夫子」唔單只個名同朋弟嘅相似,兩個老夫子嘅外形、性格亦都幾乎一樣,兩者都係著住一模一樣嘅長衫馬掛,而「大番薯」又同「老白薯」好似。作家馮驥才指王澤四十年嚟唔單只一直都侵犯版權,仲利用埋內地同香港嘅通訊唔方便,將朋弟嘅創作據為己有。

在《文化發掘老夫子出土──為朋弟抱打唔平》呢本書嘅出版後,王澤對呢事嘅反應顯得十分低調,只係通過其兒子轉話說佢否認咗抄襲一事,重稱呢係有人故意抹黑嘅,而擁有《老夫子》版權嘅王家禧長子王澤所創立嘅哈媒體股份有限公司「WangZ Inc」一直矢口否認所有剽竊作為。

國內最大嘅文壇抄襲案[編輯]

現時呢宗抄襲案可算係當前國內文壇最大嘅一樁抄襲案:
第一,侵權數量國內最大,據香港一家漫畫雜誌統計,王澤嘅《老夫子》發行量已達1.8億冊;
第二,侵權作品流傳最廣,王澤嘅《老夫子》紅遍四海,佢嘅《老夫子》漫畫更被改編成多部卡通片同被多個導演拍成電影,又成立咗老夫子俱樂部,《老夫子》家傳戶曉,有華人嘅地方就有老夫子漫畫。
第三,侵權時間歷來最長,王澤從1962年發表《老夫子》至今已超過40年。
第四,侵權作品聲名更大,王澤嘅《老夫子》還比朋弟嘅更出名,王澤嘅《老夫子》有「漫畫大師」之稱,在《中國漫畫史》都留有佢嘅名字;反觀朋弟一生畫咗嘅1200幅漫畫,佢嘅作品諷刺時弊,當時都十分出名,但後來因「革命」因素而慢慢被人遺忘,《中國漫畫史》內重無有提及呢位漫畫家。

事隔40多年,先至畀社會普遍知道呢宗抄襲案。原因係當時香港同大陸隔絕,信息唔通,畀王澤有機可乘,王澤嘅《老夫子》在1960年代面世,事隔約 20 年,到1980年先至畀原作者發現,而作者過咗3年便死咗;另一方面當時大陸無版權意識,就算知道畀人抄,都唔識保衞自己權益;重有,中國大陸版權法同執法部門重唔完整,唔可以保障到呢方面嘅權益。

出面網頁[編輯]


[編輯]

  1. 原名王家禧,王澤其實係王家禧大仔個名,但係王家禧又將呢個名改做自己嘅筆名