老撾

出自維基百科,自由嘅百科全書

座標: 17°58′N 102°36′E / 17.967°N 102.600°E / 17.967; 102.600

呢一篇文有老撾文字母。當冇適當嘅展示支援,你可能會見到問號、盒或者係其它符號而唔係老撾文字母英文幫手)。

老撾粵拼lou5 wo1老撾文ປະເທດລາວ Paxaxon Lao),又叫做寮國liu4 gwok3),全名老撾人民民主共和國lou5 wo1 jan4 man4 man4 zyu2 gung6 wo4 gwok3臺灣譯做寮人民民主共和國liu4 jan4 man4 man4 zyu2 gung6 wo4 gwok3),係中南半島上面一個內陸國面積23.68萬平方公里,毗連中華人民共和國柬埔寨越南緬甸泰國,2021年人口733萬8千。曾經係真臘王國一部份,而家響東南亞地區當中僅有兩個重行緊社會主義嘅國之一(另一個係越南)。

老撾入咗東南亞國家聯盟卅幾年,首都係永珍中國大陸叫「萬象」),永珍有座友誼大橋跨過湄公河將渠同泰國相連。

政治[編輯]

老撾唯一嘅合法政治實體係老撾人民革命黨,國家政策嘅決定,一般由政治局中央委員會進行,最後再由國會通過。

目前老撾人民革命黨總書記兼國家主席係通倫·西蘇里ທອງລຸນ ສີສຸລິດ寮文版),國家副主席係巴妮·雅陶都ປານີ ຍາທໍ່ຕູ້寮文版)同本通·吉瑪尼Bounthong Chitmany英文Bounthong Chitmany),政府總理係ສອນໄຊ ສີພັນດອນ寮文版,國會主席係Saysomphone Phomvihane英文Saysomphone Phomvihane

老撾全國分為17(khoueng)同1直轄市(kampheng nakhon)永珍。省下設「鄉」(muang)同「村」(ban)。

[編輯]

老撾旗

老撾旗以紅、藍、白爲主色。藍色象徵富饒,紅色象徵革命,白色圓圈象徵團結同光明嘅未來,同時代表圓月,象徵皎潔明月高掛喺湄公河嘅上空。呢支旗原本係老撾愛國戰線嘅旗。

治安[編輯]

大部份老撾人都純樸熱情,但係隨住旅遊業慢慢發展,偷嘢、呃遊客同埋托高價錢嘅情況都越來越多。另外,長年嘅戰爭搞到老撾東部重有唔少地雷炸彈等未爆炸武器

種族[編輯]

根據老撾政府嘅官方數字,老撾全國有49個民族,根據唔同嘅居住地區分為三大族系:住喺平原地區嘅老龍族、住喺丘陵高原地區嘅老聽族同埋住喺高山地區嘅老松族。呢三個民族嘅服飾都印咗喺1,000老撾基普嘅銀紙正面。目前老龍族係老撾最主要嘅族群,約佔老撾人口嘅一半。

宗教[編輯]

老撾人以信南傳佛教為主,一小部份信基督教或者伊斯蘭教

語言[編輯]

老撾話係老龍族嘅語言,亦係老撾嘅官話。喺老撾上寮、中寮、下寮三個方言區入面,以中寮嘅萬象話爲標準。英文喺老撾唔算普及,剩係喺永珍、龍帕邦四千島等旅遊業較發達嘅地區先至比較通行。喺北部接近中國邊境嘅城鎮,用普通話可能重容易有人應。

[編輯]

  • 家概况 — 中华人民共和国外交部 (簡體中文). 中華人民共和國外交部.
  • 周榕榕. $都要去老撾 (繁體中文). 萬里機構、萬里書店. ISBN 978-962-14-4677-0.

出面網頁[編輯]