耳燭

出自維基百科,自由嘅百科全書
跳去: 定向搵嘢

耳燭係包住蜂蠟嘅通心管。用嗰時將一端插入外耳道,另一端點燃。民間號稱可用於醫好好多病,但係經過科學印證,呢啲都係錯嘅。無資料話耳燭可以有乜療效,反而有機會唔小心整傷。

耳燭療法源於中國、希臘、埃及、西藏同北美嘅民俗療法,耳燭係外圍蜂蠟嘅空心管,一端插入側躺患者耳內,並點燃另一端,大約燃燒15分鐘,之後將耳燭殘餘根部畀患者睇,話係耳垢,並稱此為煙囪效應,將耳垢自耳內吸出。

效果[編輯]

耳燭明顯係將耳垢取出,但係亦被宣稱有治療過敏、頭痛、鼻竇炎、感冒同耳鳴嘅效果。甚至有提神、耳清明目、提高嗅覺味覺敏銳等功效。

使用率[編輯]

並無詳細研究資料,但根據報導,在1996年美國西雅圖一間公司,每個禮拜可以賣出1000隻耳燭,而網站內相關嘅資料就有數千筆,美國每122名耳鼻喉科醫生就有一位知道自己嘅患者曾經用過耳燭,而英國嘅護士亦曾經畀犯人用過,可見得使用嘅頻率高。

功效[編輯]

許多廣告推銷耳燭嘅好處,但係都無科學證據證明。

安全性問題[編輯]

Seely嘅報告入面122個耳鼻喉科醫生中,有14位有處理使用耳燭所生嘅併發症,共13耳燒傷,7耳阻塞,1耳耳膜穿孔。另有外耳炎同暫時性失聽者。