耶律阿保機
 |
耶律阿保機（872年—926年9月），又叫耶律億，係大遼第一位皇帝，尊稱遼太祖。
耶律阿保機嘅前輩係契丹迭剌部嘅酋長同軍事首領。佢喺901年被擁立為軍事首領，之後冇幾耐就做酋長。佢以武力征服契丹附近嘅地區，捉咗好多漢人同其他族裔嘅人。907年佢被選為部落聯盟嘅首領，連任九年。佢利用漢人，並且採納佢哋嘅建議，決定要將三年一次嘅選舉制度改為世襲制度。對此感到不滿嘅部落首領反抗（諸弟之亂），但係就畀耶律阿保機伏殺，佢仲乘機統一埋契丹各個部落。916年3月17號，耶律阿保機登基稱帝，立國號契丹（後來被改做遼），建年號為神冊。此外佢仲命人建立契丹自己嘅文字。
耶律阿保機建國之後繼續進攻喺佢周圍嘅民族同政權，渤海國、室韋同奚分別畀佢消滅。
926年9月，耶律阿保機過身。佢個二仔耶律德光喺927年繼位。
屋企[編輯]
耶律億同淳欽皇后述律平有三個仔：大仔遼義宗耶律倍、二仔遼太宗耶律德光、細仔遼章肅帝耶律洪古，另外，佢亦同宮人蕭氏生咗一個仔耶律牙里果（耶律大石直系祖先）。