聖約翰座堂

出自維基百科,自由嘅百科全書
跳去: 定向搵嘢
聖約翰座堂嘅鐘樓

聖約翰座堂St John's Cathedral)係香港基督敎堂,喺中環花園道,門牌四到八號。堂歸香港聖公會香港島教區,係主教座堂

歷史[編輯]

一八六九年時聖約翰座堂
聖約翰座堂內部

聖約翰座堂笪地,開埠之時,係歸入英軍駐地。香港政府成立後,地係Chinese Secretary嘅寫字樓。佢西北無遠,係當時督憲府,一直上山見政府合署。

一八四一年,香港就係英國殖民地,然而遲遲未有國敎聖公會敎堂。其他天主敎堂、誓反敎各敎會堂、長老會敎堂、唐人廟宇回敎寺都有齊,但係就係無聖公會敎堂。聖約翰座堂未起之前,敎眾都要喺蓆棚中做禮拜,咁引起敎眾不滿。

之後,香港政府批地畀英國聖公會。一八四七年,聖約翰座堂奠基。一八四九年落成同祝聖。座堂乃香港最舊嘅西式教會建築物。地權上,係香港唯一不動產,係自已保有,卽英Freehold地。座堂主樓有三。座堂本身,一八四七年起成,係維多利亞時期哥德式建築。副堂一九二四年落成,而新座寫字樓,一九五六年加建。聖約翰座堂道木門,取材自添馬艦(HMS Tamar)艦身。艦喺香港保衛戰時,英軍自行炸沉,以免落入日軍手中。

座堂係教區首堂,因該堂內置有主教座位。香港日治時期,拎來做日本人會所。現時教堂,已列為香港法定古蹟,受法列保護。遊客亦到以觀光。為咗避免冷氣水氣,引致白蟻侵蝕,破壞古物古蹟,座堂無冷氣。座堂除咗有主教專用位,重有法政牧師座堂牧師專用位,亦有英國殖民年代留落,鑄上英國皇室徽號嘅會眾位,係留畀香港總督英國皇室用。皇室有時會途經香港,禮拜時畀佢哋坐。香港主權移交之前,座堂會掛英國旗,之後已拆。目前座堂日日有崇拜。亦有早堂晚堂,而話有英國話廣東話普通話菲律賓話都有。崇拜者,來自世界各地,係國際座堂。

禮拜及打理[編輯]

一啲聖日,座堂有唱頌大聖餐禮香港聖公會香港島教區香港聖公會澳門傳道地區按立聖職聖禮詩班節,亦喺座堂搞。現任聖約翰座堂署理座堂主任牧師,卽英文Dean,係白嘉榮法政牧師,英文the Revd Canon David Pickering。佢自二零一二年三月廿六號,受命出任署理座堂主任牧師,直到八月新任座堂主任牧師謝子和法政牧師履新為止。

其他史跡[編輯]

堂邊花園,有啲英軍紀念碑,亦有英軍葬於此。

聖約翰座堂牧區轄下禮拜堂[編輯]

特殊用途[編輯]

由於禮拜堂鄰近政府總部,所以每逢基督徒團體示威遊行,佢哋結束時,都會唔分宗派,包括天主教,到禮拜堂花園感恩禱告,然後解散。

出面網站[編輯]