《肥田囍事》（英文名：To Grow with Love）係香港無綫電視翡翠台時裝劇集，喺2006年10月23日起第一次播出，每集一小時，總共有22集，監製係關永忠。
胡杏兒為咗演「肥田」呢個角色，佢刻意增肥去到150磅；而為咗拍攝部份瘦身戲份，佢又喺短時間之內極速減肥，引起社會迴響，香港傳媒更加爭相報導呢套劇嘅拍攝花絮。而呢套劇亦係無綫電視慶祝成立39週年嘅台慶劇。
