胡適

胡適

胡適 （Hu Shih；1891年12月17號—1962年2月24號），原名嗣穈，學名洪騂，字希疆，係中國文學家，從事敎育，經歷大清同中華民國兩代。佢後尾改名胡適，字適之，有筆名天風、藏暉等，其中，適與適之嘅名同字，係取自當時盛行的達爾文學說「物競天擇適者生存」典故。安徽績溪上莊村人。

胡適1910年考取庚子賠款第二期官費生去美國留學，首先響康奈爾大學讀農科，後尾改讀文科。1914年去咗哥倫比亞大學攻讀哲學，學於哲學家杜威。佢1917年夏天回國。胡適因提倡文學革命，而成為新文化運動領袖之一。佢興趣廣泛，著述豐富，作為學者他在文學、哲學、史學、考據學、教育學、倫理學、紅學等諸多領域都有深入的研究。

佢曾歷任北京大學敎授、北京大學文學院院長、輔仁大學教授同董事、中華民國駐美利堅合眾國特命全權大使、美國國會圖書館東方部名譽顧問、北京大學校長、中央研究院院士、普林斯頓大學葛思德東方圖書館館長、中華民國中央研究院（位於台北南港）院長等職。

胡適重係中國自由主義先驅，深受赫胥黎同杜威嘅影響。佢講過，赫胥黎敎佢點懷疑，杜威敎佢點諗嘢。因此，胡適畢生宣揚自由主義，提倡懷疑主義，並以《新青年》月刊為陣地，宣傳民主、科學。畢生倡言「大膽的假設，小心的求證」、「言必有徵」的治學方法。